सार्वजनिक वाचनालय उद्घाटन व लोकार्पण सोहळा
विदर्भ न्यूज एक्सप्रेस
तालुका प्रतिनिधी / भामरागड : पोमके मन्नेराजाराम हद्दीतील मुला-मुलीचा विकास व्हावा या दृष्टीकोणातून गडचिरोली पोलीस दलाच्या वतीने पोमके मन्नेराजाराम अंतर्गत पोलीस अधीक्षक निलोत्पल यांच्या संकल्पनेतून व अप्पर पोलीस अधीक्षक अनुज तारे, अप्पर पोलीस अधीक्षक कुमार चिंता, अप्पर पोलीस अधीक्षक यतीश देशमुख व उपविभागीय पोलीस अधिकारी भामरागड नितीन गणापुरे यांच्या मार्गदर्शनाखाली व पोमके मन्नेराजाराम येथील प्रभारी अधिकारी पोउपनी उमेश कदम यांच्या नियोजनाखाली, पोउपनी एम. पाटील, पोउपनि येरमे तसेच सर्व जिल्हा पोलीस अंमलदार SRPF अधिकारी/अंमलदार आणि CRPF असिस्टन्स कमांडन्ट राठोड व मन्नेराजाराम येथील ग्रामस्थ यांच्या सहकार्यातून पोलीस दादालोरा खिडकीच्या माध्यमातून एक गाव एक वाचनालय या संकल्पनेतुन २५ एप्रिल २०२३ ला सार्वजनिक वाचनालय उभारण्यात आले आणि उदघाटन व लोकार्पण सोहळ्याचे आयोजन करण्यात आले.
सार्वजनिक वाचनालयाचे उद्घाटन रमेश मंडलवर व लिनी सिडाम रा. मन्नेराजाराम यांच्या शुभ हस्ते करण्यात आले. कार्यक्रमाची सुरुवात प्रतिमेचे पूजन, मालार्पण व दीपप्रज्वलन करून करण्यात आली. तत्पुर्वी ग्रंथदिंडीचे आयोजन करण्यात आले होते. ग्रंथ दिंडीची सुरुवात प्रा.आ. केंद्र मन्नेराजाराम येथून काढण्यात आली व गावातून ग्रंथदिंडी काढण्यात आली. प्रभारी अधिकारी कदम यांनी विद्यार्थ्यांना स्पर्धा परीक्षा व वाचनाचे महत्त्व सांगून सदर वाचनालयाचा लाभ घेणे बाबत नागरिकांना व विद्यार्थ्यांना आवाहन केले. तसेच मरमपल्ली येथील रेला नृत्य गृप यांनी रेला डान्स सादर केला. त्यांना प्रोत्साहनपर बक्षीस देण्यात आले.
वाचनालयासाठी पुरविण्यात आलेली सुविधा : १) सुसज्ज हाँल व वाचनालय साठी कार्यालय २) पुस्तके ठेवण्यासाठी कपाट - ०२ ३) व्हाईट बोर्ड क्लास करिता-०१ ४) ०२ मोठे टेबल २० खुर्ची ५) महापुरुषांच्या प्रतिमा -५ ६) वाचन पुस्तके - १०० ७)जग,भारत,महाराष्ट्र,आणि गडचिरोली जिल्ह्याचे नकाशे ८) कुलर -०१ ९) वही,पेन वाटप - १०० १०) कॉम्प्युटर संच - ०१
सदर कार्यक्रमास सरपंच, उपसरपंच, सदस्य, ग्रामपंचयात मन्नेराजाराम, येचाली पोमके हद्दीतील पोलीस पाटिल, गाव पाटील, शिक्षक वृंद, विद्यार्थी तसेच गावातील नागरिक हजर होते. कार्यक्रम संपल्यावर उपस्थितांना नास्ताची व्यवस्था करण्यात आली.
News - Gadchiroli