कोरची येथे सेन महाराज यांची जयंती मोठ्या उत्साहात साजरी
विदर्भ न्यूज एक्सप्रेस
तालुका प्रतिनिधी / कोरची : १७ एप्रिल ला कोरची शहरात सेन महाराज यांची जयंती मोठ्या उत्साहात साजरी करण्यात आली. मध्यप्रदेशातील बांधवगडमध्ये जन्मलेल्या सेना महाराजांचा मूळ व्यवसाय नाभिकाचा. संत सेना महाराजांचे अभंग मोठया आवडीने आजतागायत गायले जात आहेत. सेना महाराजांनी आपल्या अभंगातूनही याच भक्तिरसाची उपासना केलेली आढळते. एका हिंदी भाषिक संतांची मराठी भक्तिरचना वाचताना महाराष्ट्रातील भक्तांना जरासुद्धा वेगळेपण जाणवत नाही. ज्ञानेश्र्वर, तुकारामाइतकेच संत सेना महाराजांना श्रेष्ठ मानले जाते. दरवर्षी प्रमाणे यावर्षी सुद्धा नाभिक समाजातर्फे सेन महाराज यांची जयंती मोठ्या उत्साहात साजरी करण्यात आले. सर्वप्रथम संपूर्ण शहरातून कलश घेऊन मोठ्या गाज्या वाज्यात मिरवणूक काढण्यात आले. यानंतर हनुमान मंदिर येथील सभागृहात कार्यक्रम आयोजित करण्यात आले होते. सदर कार्यक्रमात मुख्य अतिथी म्हणून वनपरीक्षेत्र अधिकारी नागझिरा दिलीप कौशिक, काँग्रेस तालुका अध्यक्ष मनोज अग्रवाल, नंदकिशोर वैरागडे, डॉ. शैलेंद्र बिसेन, सदरुद्दीन भामानी, आशिष अग्रवाल, घनश्याम अग्रवाल आदी उपस्थित होते. सर्व मुख्य अतिथींचे शाल व श्रीफळ देऊन सत्कार करण्यात आले.
सदर कार्यक्रमामध्ये दिलीप कौशिक, मनोज अग्रवाल, नंदकिशोर वैरागडे यांनी उपस्थितांना मार्गदर्शन केले. कार्यक्रम आटोपल्यानंतर सर्वांकरिता जेवणाची व्यवस्था करण्यात आले होते. नाभीक समाजाचे अध्यक्ष नेतराम कौशिक, उपाध्यक्ष प्रकाश कौशिक, सचिव चमरू भारद्वाज, आसाराम सान्डील, गजानन भारद्वाज, यशवंत कौशिक, घनश्याम सांडील, प्रभू सांडील, जितेंद्र सांडील, कैलास कौशिक व समाजाचे सर्व कार्यकर्त्यांने अथक परिश्रम घेतले.
News - Gadchiroli