महत्वाच्या बातम्या

चॅट जीपीटी ठरू शकते नेटकरींसाठी एक वरदान : ॲड. आशिष मुंधडा

विदर्भ न्यूज एक्सप्रेस

प्रतिनिधी / चंद्रपूर : Chat GPT (चॅट जीपीटी) हे OpenAI (ओपन एआय) कंपनी तर्फे बनविलेले आर्टिफिशिअल इंटेललॅलिजन्स प्रोग्रॅम (कृत्रिम बुद्धिमत्ता आज्ञावली) आहे. चॅट जीपीटी हे जगातील कुठल्याही प्रश्नाचे उत्तर देऊ शकतो हे OpenAI कंपनी तर्फे दावा केले जात आहे. ओपन एआय कंपनीने ३० नोव्हेंबर,२०२२ ला चॅट जीपीटी नेटकरींसाठी (इंटरनेट/गुगल वापरणाऱ्यांसाठी) उपलब्ध करून दिले आणि चॅट जीपीटी लाँच झाल्यानंतर लगेच अवघ्या ०५ दिवसांमध्येच १० लक्ष नेटकरींनी चॅट जीपीटी वर सुबक्रिप्शन घेतले. चॅट जीपीटी हे जगातील उठल्याही प्रश्नाचे उत्तर तर देतोच पण याव्यतिरिक्त आपणस एखादे लेख, निबंध, यादी बनविण्यास सुद्धा मदत करतो. चॅट जीपीटीच्या सर्वांसाठी उपलब्ध झाल्यानंतर नेटकरी गूगलला संपूर्णपणे विसरतील किंवा गुगलचा वापर कमी करतील असे संगणक क्षेत्रातील शोधकर्त्यां तर्फे अनुमान लावल्या जात आहे.

आता सध्या चॅट जीपीटीचे वापर करणे निशुल्क आहे, परंतु भविष्यात याचे पेड अँप सुद्धा येणार आहे आणि चॅट जीपीटी वापरण्यास शुल्क घेण्यात येणार आहे. चॅट जीपीटीची कृत्रिम बुद्धिमत्ता हे वर्ष २०२१ पर्यंतचा गूगल किंवा इतर वेबसाइट वर असलेला डेटाच्या माहितीच्या आधारावरून करतो. चॅट जीपीटीचे पूर्ण स्वरूप चॅट जनरेटिव्ह प्री-ट्रेन्ड ट्रान्सफॉर्मर आहे. हे गुगल पेक्षाही सुधारित शोध इंजिन आहे. चॅट जीपीटी पूर्णपणे एआय प्रणालीवर कार्य करते म्हणजेच तो तुम्हाला विचारलेले प्रश्न लगेच टाईप करेल आणि तुमच्यासमोर मांडेल. जेंव्हा आपण चॅट जीपीटीला एखादे प्रश्न विचारतो तेंव्हा चॅट जीपीटी मधील कृत्रिम बुद्धिमत्ता हे असंख्य संकेतस्थळांवरून (वेबसाइटवरून) शोध करून उत्तर फक्त पुरवतच नाही तर सुनियोजित पद्धतीनेआपल्यासमोर प्रस्तुत करतो.

AI प्रणालीवर काम करणारी चॅट जीपीटी २०१५ मध्ये सुरू झाली. चॅट जीपीटी सुरू करण्यात सॅम ऑल्टमन आणि एलोन मस्क यांचा मोलाचा वाटा होता. अँड्रॉइड, अँप्पल, मायक्रोसॉफ्ट किंवा इतर संगणक व भ्रमणध्वनी मधे कृत्रिम बुद्धिमत्ता (AI) चे वापर केल्या जाते. भविष्यात संगणक व भ्रमणध्वनी मधे पण चॅट जीपीटीचा वापर केल्या जाईल अशी शक्यता दर्शवली जात आहे. असो, पण आज तर प्रत्येक नेटकरीला इंटरनेट वापरल्याशिवाय कोणतेही कार्य करणे असंभव होते. स्वतः विचार करणारे शोध इंजिन हे प्रथमच जगाला लाभलेले आहे आणि त्याचे योग्य वापर केल्यास हे आपणास फार उपयोगी ठरू शकतो. चॅट जीपीटी हे व्यवसाय आणि व्यक्तिगत पातळीवर आपले अनेक प्रश्न सोडवू शकतो आणि आपल्याला हवे असेल त्या प्रमाणे लेख, निबंध, यादी बनवून देऊ शकतो. डॉक्टर, शिक्षक, पत्रकार, वकील, अकाउंटंट, शोधकर्ता, प्रशासकीय व खाजगी कार्यालयात कार्यरत अधिकारी, विद्यार्थी वर्ग या सर्वांसाठी चॅट जीपीटी हे तंत्रज्ञान निश्चितच अत्यंत उपयोगी ठरेल.