महत्वाच्या बातम्या

लॉयड्स मेटल्स कंपनीकडून प्रस्तावित रुग्णालय, इंग्रजी (सी.बी.एस.ई.) शाळा आणि शिवणकला केंद्राचे केले भुमिपूजन

विदर्भ न्यूज एक्सप्रेस

तालुका प्रतिनिधी / एटापल्ली : मौ. हेडरी ता. एटापल्ली, जि. गडचिरोली येथील प्रस्तावित रुग्णालय, इंग्रजी (सी.बी.एस.सी.) शाळा तथा शिवणकला केंद्र भुमिपूजन सोहळा १५ एप्रिल रोजी शनिवारी सकाळी ८:०० वाजता पार पडला. या भूमिपूजन सोहळ्याला लोयड्स मेटल अँड एनर्जी प्रा. लि. सुरजागड या कंपनीचे व्यवस्थापकीय संचालक राजेश गुप्ता, त्रिवेणी अर्थमुवर्स कंपनीचे व्यवस्थापकीय संचालक मा.बी. प्रभाकरन, उपविभागीय दंडाधिकारी शुभम गुप्ता, उपविभागीय पोलिस अधिकारी दडास, उपविभागीय पोलीस अधिकारी राठोड, लॉईडस फाउंडेशनच्या संचालिका किर्ती रेड्डी, लॉईडसचे संचालक मधुर गुप्ता, उपसरपंच, माजी सरपंच यांच्या समवेत कंपनीचे इतर अधिकारी, कर्मचारी व स्थानिक गावातील प्रतिष्ठित नागरिक व विद्यार्थी वर्ग मोठ्या संख्येने उपस्थित होते.

इंग्रजी शाळा, सुसज्ज रुग्णालय व भव्य असे शिवणकला केंद्र उभे होत असल्याने या अतिदुर्गम व संवेदनशील भागाचे आरोग्य व्यवस्थेचे बळकटीकरण होईल. व विद्यार्थ्यांसाठी शिक्षणाची नविन कवाडे उघडी होणार आहेत. तसेच शिवणकला केंद्राच्या माध्यमातून स्थानिक आदिवासी महिलांनी प्रशिक्षण व रोजगार उपलब्ध होणार आहे. या आदिवासी भागात या सुविधा उपलब्ध करुन आम्ही या भागातील आदिवासींचे बांधवांचे सर्वोतपरी जीवनमान उंचावण्यासाठी प्रयत्न करत आहोत, असे प्रतिपादन बी. प्रभाकरन यांनी आपले मनोगत व्यक्त करताना केले.

यावेळी गावतील काही नागरिकांनी आपले मनोगत मांडताना या सुविधांबाबत लॉइड्स कंपनीचे आभार व्यक्त करून शाळा आणि दवाखाना तयार होत असल्याने स्थानिकांमध्ये एक आनंदाचे वातावरण पसरले असल्याबाबत भावना व्यक्त केले.