महत्वाच्या बातम्या

मनुष्य जीवनात प्राणायमाचे महत्त्व या विषयावर एक दिवसीय मार्गदर्शन कार्यशाळा संपन्न

विदर्भ न्यूज एक्सप्रेस

प्रतिनिधी / आष्टी : गडचिरोली जिल्ह्यात येत असलेल्या आष्टी येथे भारतीय खेळ प्राधिकरण द्वारा क्रीडा व युवक सेवा संचालनालय महाराष्ट्र राज्य पुणे व जिल्हा क्रीडा अधिकारी कार्यालय गडचिरोली यांच्या संयुक्त विद्यमानाने केंद्र तथा राज्य सरकारच्या मान्यतेनुसार खेलो इंडिया अंतर्गत महात्मा ज्योतिबा फुले महाविद्यालय, आष्टी येथील जिल्हयात नावलौकिकास आलेल्या खेलो इंडिया सेंटर धनुर्विद्या प्रशिक्षणार्थींना ०५ एप्रिल २०२३ रोजी मनुष्य जीवनात प्राणायमाचे महत्त्व या विषयावर एक दिवसीय मार्गदर्शन कार्यशाळा घेण्यात आली.

सदर कार्यक्रमाचे अध्यक्ष मा. ज्योतिबा फुले कला महाविद्यालयचे प्राचार्य. डॉ. संजय फुलझेले उपस्थित होते. यावेळी कार्यक्रमाचे प्रमुख मार्गदर्शक राजेश कुंदावार यांनी धनुर्विद्या प्रशिक्षणार्थींना सराव करताना फिजिकल फिटनेस सोबतच मेंटल कॅप्यासीटी देखील आवश्यक आहे. म्हणून खेळाडूंनी दररोज प्राणायम करायला हव असे ते सांगितले. प्राणायाम केल्याने आपल मन स्थिर राहत व एकग्रता वाढते. तसेच त्यांनी अनुलोम विलोम, कपालभाती, भ्रमरी, ओमकार कस करायच हे करून दाखविले व त्यामुळे होणारे फायदे देखील सांगितले.

यावेळी कार्यक्रमाला शिक्षक शिक्षकेतर कर्मचारी तसेच धनुर्विद्या खेळातील कलरकोट खेळाडू नितेश डोके, अरविंद वनकर, पूजा डोर्लीकर, रोशन सोळंके, वैष्णव बावणे व इतर प्रशिक्षणार्थी विद्यार्थी उपस्थित होते. तर कार्यक्रमाचे सूत्रसंचालन धनुर्विद्या प्रशिक्षक प्रा. श्याम कोरडे तर आभार कौमुदी श्रीरामवार हिने मानले. तसेच कार्यक्रमाची सांगता वंदे मातरम् या गीतांनी पर पडले.