महत्वाच्या बातम्या

गडचिरोली : पोलीस आणि नक्षलवाद्यांमध्ये चकमक, एक नक्षलवादी ठार

विदर्भ न्यूज एक्सप्रेस
प्रतिनिधी / गडचिरोली : भामरागड तालुक्यातील कियरकोटी अबुझमाड जंगल परिसरात आज सकाळी १०:०० वाजतापासून पोलीस नक्षलवाद्यांमध्ये चकमक सुरू असून, यात पोलिसांनी एका नक्षलवाद्याला ठार केले.

माहितीनुसार घटनास्थळावरून मोठ्या प्रमाणात नक्षल साहित्य व शस्त्रसाठा जप्त करण्यात आला. चकमक परिसर घनदाट जंगलाने वेढलेला असल्याने त्याठिकाणी संपर्क साधण्यास अडचण निर्माण होत असून, अजूनही चकमक सुरू असल्याची माहिती आहे.

शनिवारी सकाळी गुप्त माहितीच्या आधारे गडचिरोली पोलिसांच्या सी ६० या नक्षलविरोधी पथकाने भामरागड तालुक्यातील छत्तीसगड सीमेवर अबुझमाड परिसरात नाक्षलविरोधी अभियान राबवले. यादरम्यान, जंगलात दबा धरून बसलेल्या नक्षल्यांनी जवानांवर गोळीबार केला. प्रत्युत्तरात जवानांनी केलेल्या गोळीबारात एक नक्षलवादी ठार झाला. तसेच घटनास्थळावरून मोठ्या प्रमाणात शस्त्रसाठासुद्धा जप्त करण्यात आला आहे. माहितीनुसार चकमक अद्याप सुरू असून त्यामुळे मृतांचा आकडा वाढू शकतो.