पुराडा - रामगड मार्गावर दोन दुचाकींची धडक, एकाचा उपचारादरम्यान मृत्यू


विदर्भ न्यूज एक्सप्रेस 
तालुका प्रतिनिधी / कुरखेडा : 
दोन दुचाकींच्या समोरा - समोर झालेल्या धडकेत एका दुचाकीस्वाराचा उपचारादरम्यान आज २२ डिसेंबर रोजी मृत्यु झाला तर दुसरा गंभीर जखमी असलेल्या दुचाकीस्वारावर येथील उपजिल्हा रुग्णालयात उपचार सुरु आहेत.  सदर  अपघात काल शुक्रवार २१ डिसेंबर रोजी दु ३ वाजताच्या सुमारास पुराडा - रामगड मार्गावर घडला. 
  कातलवाडा येथील यादव नामदेव लोहबंरे (५०) हे तिन दिवसापुर्वीच खरेदी केलेल्या आपल्या नविन दुचाकीने कातलवाडा वरून पुराडाकडे येत होते.  याच वेळी पुराडा वरून रामगड कडे विशेष हलामी (१९) रा कुंभीटोला (पुराडा) दुचाकीने जात असताना दोन्ही दुचाकींची रामगड जवळ बोडीच्या वळणावर समोरा - समोर धडक बसली.  अपघातात दोन्ही दुचाकीस्वार गंभीर जखमी झाले.  त्यांना लगेच रुग्णवाहिकेने येथील उपजिल्हा रुग्णालयात दाखल करण्यात आले.  मात्र आज सकाळी उपचारादरम्यान यादव लोहबंरे रा. कातलवाडा यांचा मृत्यु झाला.  तर विशेष हलामी याच्यावर उपचार सूरू आहेत.  घटनेची नोंद पुराडा पोलीस ठाण्यात  करण्यात आली आहे. 



  Print






News - Gadchiroli | Posted : 2018-12-22






Related Photos