अंगणवाडी सेविकांना नवीन मोबाईल हॅण्डसेट द्या : हायकोर्ट
विदर्भ न्यूज एक्सप्रेस
वृत्तसंस्था / मुंबई : राज्यातील अंगणवाडी कर्मचाऱ्यांना सुविधा उपलब्ध करून देण्याऐवजी त्यांना खासगी मोबाईलवरून सरकारी काम करायला लावणाऱया राज्य सरकारला मंगळवारी उच्च न्यायालयाने चांगलेच फैलावर घेतले.
तसेच अंगणवाडी कर्मचाऱयांना पोषण ट्रकर ॲपमध्ये मराठी भाषेत माहिती टाईप करण्याची सुविधा तसेच ऑनलाईन काम करण्यासाठी वेळीच नवीन मोबाईल हॅण्डसेट उपलब्ध करून देण्याबाबत विचार करा, यात दिरंगाई करू नका, असे स्पष्ट निर्देश न्यायालयाने सरकारला दिले. अंगणवाडी कर्मचारी अत्यंत प्रतिकूल परिस्थितीत काम करतात. मात्र प्रशासन त्यांना कारवाईची भीती दाखवते, असा दावा करीत अंगणवाडी कर्मचाऱयांच्या सात संघटनांच्या कृती समितीने उच्च न्यायालयात याचिका केली होती. यावर मंगळवारी न्यायमूर्ती गौतम पटेल आणि न्यायमूर्ती डॉ. नीला गोखले यांच्या खंडपीठासमोर सुनावणी झाली. यावेळी कृती समितीतर्फे ॲड. गायत्री सिंग आणि ॲड. मिनाझ काकलिया यांनी बाजू मांडली.
News - Rajy