बिबट्याची गोळ्या घालून शिकार , पंजे कापून नेले


विदर्भ न्यूज एक्सप्रेस 
प्रतिनिधी / गोंदिया :
मादी बिबट्याची गोळ्या घालून निर्घृणपणे शिकार करण्यात आल्याची घटना गोठनगाव वनपरिक्षेत्रातील  केळवद शिवारात   घडली आहे. शवविच्छेदन अहवालात बिबट्याला दोन गोळ्या घालण्यात आल्याचं निष्पन्न झालं. काही दिवसांपूर्वी अवनी वाघिणीची शिकार केल्याने प्राणीप्रेमींनी संताप व्यक्त केला होता. त्यातच आता बिबट्याची अत्यंत शिकार करत निर्दयीपणे पंजे कापून नेण्यात आलं आहे.
काही दिवसांपूर्वी चंद्रपूर जिल्ह्यातील रामदेगी वनात एका झाडाखाली ध्यान करत बसलेल्या   राहुल वाळके नामक  ३५ वर्षीय भिक्खू बिबट्याच्या हल्ल्यात ठार झाला होता.  अधिकाऱ्यांनी दिलेल्या माहितीनुसार, मृत भिक्खू राहुल वाळके हे गेल्या एक महिन्यापासून येथे ध्यान करत होते. ताडोबा अंधारी व्याघ्र संरक्षित क्षेत्राचे (बफर) उपनिर्देशक गजेंद्र नरवणे म्हणाले की, ही घटना मंगळवारी सकाळी ९.३० ते १० च्या दरम्यान घडली. त्यावेळी जंगलातील एका झाडाखाली भिक्खू ध्यानास बसले होते. जंगलात एक ऐतिहासिक बौद्ध मंदिर असून तेथून काही अंतरावर हे झाड आहे. 



  Print






News - Gadchiroli | Posted : 2018-12-17






Related Photos