महत्वाच्या बातम्या

 गोंडवाना सैनिकी विद्यालयातील बारावीच्या विद्यार्थ्याना निरोप


- स्थानिक गोंडवाना सैनिकी विद्यालय गडचिरोली येथे २३ रोजी बारावीत शिकणाऱ्या विद्यार्थ्याना निरोप 

विदर्भ न्यूज एक्सप्रेस 

प्रतिनिधी / गडचिरोली : निरोप समारंभाच्या कार्यक्रमाला अध्यक्ष म्हणून विद्यालयाचे प्राचार्य संजीव गोसावी हे होते तर प्रमुख अतिथि म्हणून उपप्राचार्य ओमप्रकाश संग्रामे, पर्यवेक्षक अजय वानखेडे, वर्ग बाराविचे वर्ग शिक्षक प्रा.विजय गोंडाने, प्रा. डॉ. राकेश चडगुलावार प्रा. संदीप कोटांगले, प्रा.गजानन ढोले, प्रा.काशीनाथ भोंगाडे हे होते कार्यक्रमाच्या सुरुवातीला सरस्वती व साईबाबा यांच्या प्रतिमेला माल्यार्पण करुण दिपप्रज्वालित करण्यात आले.

कार्यक्रमाचे औचित्य साधुन विद्यालायातिल बारावी मधील विद्यार्थ्यानी आपापले मनोगत व्यक्त केले संस्कार व शिस्तिचे खरे धड़े आम्हाला या विद्यालायाने आम्हाला दिले असे एक सुर सर्वाचे निघाले. गोंडवाना सैनिकी विद्यालय हे निवासी विद्यालय असल्यामुळे बालपण आमचे इथेच गेले, इथल्या सैनिकी शिस्तीने आम्हाला योग्य वळण लावल्याचेहे विद्यार्थ्यानी आपल्या मनोगतात बोलून गेले. इथले शिक्षक असो वा वसतिगृह कर्मचारी यांनी कधीच आम्हाला दुजोरा दिला नाही शिवाय घराची आठवन सुद्धा येऊ दिली नाही. गोंडवाना सैनिकी विद्यालय हे केवळ एक विद्यालय नसून एक एकत्रित कुटुंब असल्याचे मत वर्ग बारावीचा त्रिशांत गोरा याने केले. आता बारावी शिकून झाल्यानंतर मात्र आपल्याला इथून निरोप घ्यावे लागेल या विचाराने आपली मत व्यक्त करीत असतांना बरेच विद्यार्थी हे भावनाविवश झाले होते.     

गोंडवाना सैनिकी विद्यालय हे एक कुटुंब असल्यामुळे इथून पासाउट झालेला विद्यार्थी हा आमच्याशी निव्वळ शरीरानेच नव्हे तर मनाने जुळलेला आहे, म्हणून इथून पुढे कधीही आणि कुठेही तुम्हाला गरज भासत असेल त्या वेळी गोंडवाना सैनिकी विद्यालय व त्यातील प्रत्येक एक कर्मचारी हे तुमच्या पाठीशी उभे दिसतील यात काही शंका नाही असे मत विद्यालयाचे प्राचार्य संजीव गोसावी यांनी व्यक्त केले. प्रसंगी पाहुन्यानी उपस्थित सर्वाना शुभेच्छा पर मार्गदर्शन केले.

कार्यक्रमाच्या शेवटी बारावितिल विद्यार्थ्याना विद्यालयातर्फे ट्रॉफी देवून त्यांच्या उज्वल भविष्याकरीता शुभेच्छा दिल्या. विद्यार्थ्याकडून विद्यालयाला आठवन म्हणून झाडे व कुंड्या देण्यात आले.  

वर्ग अकराविच्या विद्यार्थ्यानी सर्वाकारिता मनोरंजनात्मक खेळाचे आयोजन करण्यात आले होते. संपूर्ण कार्यक्रमाचे आयोजन वर्ग ११ विच्या विद्यार्थ्यांकडून करण्यात आले होते.    





  Print






News - Gadchiroli




Related Photos