पाण्याच्या साठ्यांचे संवर्धन, पुनर्भरण संदर्भात शिक्षणाची गरज : कुलगुरू डॉ एन. व्ही. कल्याणकर


विदर्भ न्यूज एक्सप्रेस 
तालुका प्रतिनिधी / कुरखेडा : 
नैसर्गिक संसाधन चा  संबंध मानवी जिवनाशी निगडीत आहे . विकासक्रम निरंतर राहण्याकरीता जल -  जमीन -  जंगल या संसाधनाची गरज आहे.  या परीसरात नैसर्गिक जलसाठे भरपूर आहेत.  भविष्याच्या  पिढीसाठी हे कायम ठेवायचे असल्यास या पाण्याच्या साठ्यांचे संवर्धन,  पुनर्भरण संदर्भात शिक्षणाची गरज आहे,  असे प्रतिपादन गोंडवाना विद्यापीठाचे कुलगुरू डॉ एन. व्ही.  कल्याणकर यानी केले. 
 जल संसाधन मंत्रालय केन्द्रीय भुमीजल बोर्ड नागपूर व श्री गो ना मुनघाटे महाविद्यालय यांच्या संयुक्त विद्यमाने महाविद्यालयाच्या  सभागृहात आयोजित पावसाच्या  पाण्याचे पुनर्भरण व भुजल व्यवस्थापन या विषयावर आयोजित दोन दिवसीय शेतकऱ्यांच्या कार्यशाळेच्या  उद्घाटनीय कार्यक्रमाच्या  अध्यक्षस्थानावरून मार्गदर्शन करताना कुलगुरू डॉ. कल्याणकर बोलत होते.  कार्यक्रमाचे उद्घाटन सहकार महर्षी अरविंद सावकर पोरेड्डीवार यांच्या हस्ते  करण्यात आले.  यावेळी प्रमूख अतिथी म्हणून भुमिजल बोर्डाचे अधिक्षक  वैज्ञानिक डॉ प्रभात कूमार जैन,  महाविद्यालयाचे प्राचार्य डॉ राजाभाऊ मुनघाटे,  वैज्ञानिक  डॉ भुषन लामसोगे,  डॉ गुणवंत वडपल्लीवार,  उपप्राचार्य प्रा पी एस खोपे , डॉ संदीप निवडंगे आदी  उपस्थित होते . उद्घाटनीय मार्गदर्शनात अरविंद सावकर पोरेड्डीवार यानी सांगीतले की,  जिल्ह्यात नैसर्गिक बारमाही वाहणाऱ्या नद्या,  झरणे आहेत . मात्र त्या तूलनेत सिंचणाची व्यवस्था नाही. येथून वाहणाऱ्या नदीवर नजीकच्या  राज्यात एक मोठा सिंचन प्रकल्प उभा होत आहे.  मात्र येथील लोकप्रतिनीधीना हे साध्य करता आले नाही . अशी खंत सूद्धा त्यानी व्यक्त केली.   डॉ प्रभात कूमार जैन यानी या देशात संसाधनाच्या तुलनेत लोकसंख्या अधिक आहे.  त्यामुळे सिमीत असलेल्या पाण्याचे नियोजनबद्ध ताळेबंद तयार करीत वापर होणे गरजेचे असल्याचे सांगीतले.  यानंतर सजेटकऱ्यांकरिता  पाच सत्रात आयोजित कार्यशाळेत केन्द्रीय भूजल मध्यक्षेत्र नागपुर येथील वैज्ञानिक डॉ हरीभाऊ काळे , डॉ अश्वीन आटे,  डॉ राहुल शेन्डे,  डॉ नितीन झाडे,  प्रशांत गोलगें,  तुकेश सयाम , डॉ भुषण लामसोगे यानी भुजल पुनर्भरण भुजल व्यवस्थापन पाण्याची ताळेबंदी तसेच ठिबंक व सुक्ष्म सिंचणाद्वारे पिकासाठी पाण्याचे व्यवस्थापण- गरज व फायदे या विषयावर मार्गदर्शन केले.  कार्यक्रमाचे संचालन डॉ नरेंद्र आरेकर यानी केले.  आभार  डॉ गुणवंत वडपल्लीवार यानी मानले. कार्यशाळे अंतर्गत दुसऱ्या दिवशी आज तालुक्यातील नवरगाव येथे भूजल वैज्ञानिक शेतकऱ्यांच्या उपस्थितीत  गावाचे भुजल सर्वेक्षण तथा बंधारा व्यवस्थापण यावर प्रात्यक्षिक व मार्गदर्शन करणार आहेत. 



  Print






News - Gadchiroli | Posted : 2018-12-13






Related Photos