महाराष्ट्रात ‘प्रधानमंत्री पीक विमा योजनेसाठी’ २ कोटींहून अधिक नोंदणी


विदर्भ न्यूज एक्सप्रेस 
प्रतिनिधी /  नवी दिल्ली  :
प्रधानमंत्री पीक विमा योजनेअंतर्गत गेल्या दोन वर्षात देशभरातील १० कोटी ९१ लाख ४४ हजार ९८२ शेतक-यांनी नोंदणी केली आहे. देशात सर्वात जास्त महाराष्ट्रातील २ कोटी  २१ लाख ३८ हजार ६०७ शेतकऱ्यांनी   नोंदणी केली आहे.
शेतकऱ्यांनी  कष्टाने पिकविलेल्या पिकांचे नैसर्गिक आपत्तीने होणारी नुकसान भरपाई देण्यासाठी केंद्रीय कृषी व शेतकरी कल्याण मंत्रालयाच्यावतीने देशभर २०१६ च्या खरीप हंगामापासून प्रधानमंत्री पीक विमा राबविण्यात येत आहे. या योजनेच्या अंमलबजावणीतील आकडेवारीनुसार महाराष्ट्रात सर्वाधिक शेतकऱ्यांनी    पीक विम्यासाठी नोंदणी केल्याची माहिती कृषी व शेतकरी कल्याण मंत्रालयाने संसदेत सादर केलेल्या माहितीत पुढे आली आहे.

२०१६ - १७ मध्ये १ कोटी २० लाख नोंदणी

प्रधानमंत्री पीक विमा योजनेची खरीप हंगाम २०१६ मध्ये सुरुवात झाली यावेळी  राज्यातील १ कोटी ९ लाख ९७ हजार ३९८ शेतक-यांनी नोंदणी केली याच हंगामात देशभरातील  २७ राज्य व केंद्रशासीत प्रदेशातील एकूण ४ कोटी २ लाख ५८ हजार७३७ शेतक-यांनी नोंदणी केली होती.

२०१६-१७ च्या रब्बी हंगामात राज्यातील १० लाख ८ हजार ५३२ शेतक-यांनी नोंदणी केली होती तर याच हंगामात देशातील एकूण १ कोटी ७० लाख ५६ हजार ९१६ शेतक-यांनी नोंदणी केली . महाराष्ट्रात २०१६ खरीप आणि २०१६-१७ च्या रबी हंगामात एकूण १ कोटी २० लाख ५ हजार ९३० शेतक-यांनी नोंदणी केली.

२०१७ - १८ मध्ये १ कोटी १ लाख नोंदणी

राज्यात २०१७ खरीप आणि २०१७-१८ च्या रबी हंगामात एकूण १ कोटी १ लाख ३२ हजार ६७७ शेतक-यांनी प्रधानमंत्री पीक विमा योजनेसाठी नोंदणी केली होती. २०१७ च्या खरीप हंगामात राज्यातील ८७ लाख ६८ हजार २११ शेतक-यांनी नोंदणी केली तर देशभरातील  २७ राज्य व केंद्रशासीत प्रदेशातील एकूण ३ कोटी ४७ लाख ७६ हजार ५५ शेतक-यांनी या हंगामात नोंदणी केली. २०१७-१८ च्या रबी हंगामात राज्यातील १३ लाख ६४ हजार ४६६ शेतक-यांनी नोंदणी केली होती तर याच हंगामात देशातील एकूण १ कोटी ७० लाख ५३ हजार २७४  शेतक-यांनी नोंदणी केली .
केंद्रीय कृषी व शेतकरी कल्याण राज्यमंत्री पुरुषोत्तम रूपाला यांनी एका प्रश्नाच्या उत्तरात प्रधानमंत्री  पीक विमा योजनेसंदर्भात आज संसदेत माहिती दिली आहे.     



  Print






News - Rajy | Posted : 2018-12-12






Related Photos