उद्या भामरागड तहसील कार्यालयावर ग्रामसभा, पारंपारिक इलाका गोटूल समितीचा भव्य धडक मोर्चा


विदर्भ न्यूज एक्सप्रेस
तालुका प्रतिनिधी / भामरागड
: विविध मागण्यांना घेवून भामरागड पट्टीतील सर्व ग्रामसभा व पारंपारिक इलाका गोटूल समिती तसेच जनतेच्या वतीने जि.प. सदस्य अ‍ॅड. लालसू नोगोटी, पंचायत समिती सभापती सुखराम मडावी, उपसभापती प्रमिला कुडयामी  यांच्या नेतृत्वात उद्या १२ डिसेंबर रोजी भामरागड तहसील कार्यालयावर भव्य धडक मोर्चा काढण्यात येणार आहे.
मोर्चाची सुरूवात सकाळी ११ वाजता अगरबत्ती प्रकल्पापासून होणार आहे. मोर्चा तहसील कार्यालयावर धडकल्यानंतर विविध मागण्यांचे निवेदन देण्यात येणार आहे. 
जिल्ह्यात दुष्काळ जाहिर करण्यात यावा,  शेतकऱ्यांचे कर्ज सरसकट माफ करण्यात यावे, वयक्तिक किंवा सामुहिक विकास कामांच्या योजनांचे अंदाजपत्रक ग्रामसभांकडे जमा करण्यात यावे, अतिक्रमणधारक शेतकर्यांना वनजमीनीचे पट्टे सातबारा सह देण्यात यावे, भामरागड तालुक्याच्या भौगोलिक दृष्टी नुसार नद्यांपासून विद्युत पुरवठा करून उपसा सिंचनाची सोय करण्यात यावी, गडचिरोली जिल्ह्यातील पाच. वर्षांपासून थकीत असलेली शिष्यवृत्ती देण्यात यावी, नक्षल सप्ताहादरम्यान ग्रामस्थांना पोलिस ठाण्यात जमा करणे थांबवावे या व अन्य मागण्यांसाठी भव्य मोर्चाचे आयोजन करण्यात आले आहे. नागरिकांनी जास्तीत जास्त संख्येने सहभागी व्हावे, असे आवाहन करण्यात आले आहे.

 



  Print






News - Gadchiroli | Posted : 2018-12-11






Related Photos