मेडिक्लेमसाठी २४ तास रुग्णालयात दाखल होणे आवश्यक नाही

विदर्भ न्यूज एक्सप्रेस
वृत्तसंस्था / मुंबई : मेडिकल इन्शुरन्स क्लेमसंबंधी एक महत्त्वाचा निर्णय बडोद्याच्या ग्राहक मंचाने दिला आहे. एखाद्या व्यक्तिला मेडिक्लेम कव्हर मिळण्यासाठी 24 तास रुग्णालयात दाखल होणे गरजेचे नाही, असे मंचाने स्पष्ट केले आहे. त्यासोबत विमा कंपनीला मेडिक्लेमची रक्कम देण्याचे आदेश दिले आहेत.

बडोद्याचे रहिवासी असलेल्या रमेश चंद्र जोशी यांनी दाखल केलेल्या याचिकेवर ग्राहक मंचासमोर सुनावणी झाली. जोशी यांनी 2017 मध्ये नॅशनल इन्शुरन्स कंपनी लिमिटेड विरुद्ध तक्रार दाखल केली होती. कंपनीने त्यांना विमा क्लेम दिला नव्हता. जोशी यांच्या पत्नी 2016 मध्ये डर्मेटोमायोसिटिसने आजारी होत्या. त्यांना अहमदाबाद लाईफ केअर इन्स्टिट्युट ऑफ मेडिकल सायन्स अँड रिसर्च सेंटरमध्ये दाखल करण्यात आले होते.