महत्वाच्या बातम्या

जिल्हयातील कर्मचाऱ्यांनी संपावर जाऊ नये : जिल्हाधिकारी डॉ. विपीन इटनकर

- बंद अवैध, संवादातून सरकार मार्ग काढणार

विदर्भ न्यूज एक्सप्रेस
प्रतिनिधी / नागपूर : काही संघटनांनी पुकारलेला बंद हा अवैध असून या संघटनांच्या मागण्यांवर सरकार संवादातून मार्ग काढणार आहे. तद्वत आरोग्य सेवेसह जिल्ह्यातील सर्व अत्यावश्यक सेवा सुरू ठेवण्याचे निर्देश जिल्हाधिकारी डॉ. विपीन इटनकर यांनी दिले आहेत. जिल्हाधिकारी डॉ. विपीन जिल्हा परिषदेच्या मुख्य कार्यकारी अधिकारी सौम्या शर्मा यांनी सायंकाळी जिल्ह्यातील विभाग प्रमुखांची बैठक घेऊन राज्य शासनाने या संदर्भात जारी केलेल्या निर्देशाची सर्व कर्मचाऱ्यांना माहिती देण्याचे सांगितले. संपावर जाणाऱ्या कर्मचाऱ्यांवर शिस्त भंगाची कारवाई होऊ शकते त्यामुळे यासंदर्भात राज्य शासनाने रात्री उशिरा काढलेल्या या आदेशा संदर्भातील जोखीम प्रत्येक कर्मचाऱ्याला सांगण्याचे अधिकाऱ्यांनी विभाग प्रमुखांना बजावले आहे.

दहावीच्या मुलाच्या परीक्षा व आरोग्य व्यवस्था तसेच सध्या सुरू असलेल्या जिल्ह्यातील विविध उपक्रमांना लक्षात घेता सर्व अधिकारी कर्मचाऱ्यांची उपस्थिती आवश्यक आहे. त्यामुळे उद्या कोणीही विभाग प्रमुख संपावर जाणार नाही, असे स्पष्ट निर्देश जिल्हाधिकारी विपिन इटनकर यांनी दिले. सुरू असणाऱ्या परीक्षा व अन्य महत्वपूर्ण उपक्रमांना लक्षात घेता ऐनवेळी आपत्ती व्यवस्थापनाच्या संदर्भातले निर्देश त्यांनी सर्व विभागांना दिले आहे.

आजच्या बैठकीत संप अवैध असून आरोग्य सेवेसह सर्व अत्यावश्यक सेवा सुरू ठेवण्याचा निर्णय घेण्यात आला आहे. यानुसार जिल्हाधिकाऱ्यांनी नियोजित संपामध्ये सहभागी न होता सर्व शासकीय व अशासकीय यंत्रणांनी नियमितपणे सेवा द्याव्या निर्देश दिले आहे. नियोजित संप अवैध असून या संपात सहभागी होणाऱ्यांवर नियमानुसार कारवाई करण्यात येणार असल्याचेही त्यांनी स्पष्ट केले.