महत्वाच्या बातम्या

 देसाईगंज तालुक्यातील जुनी वडसा येथील १५ वर्षीय युवकाने गळफास घेऊन केली आत्महत्या


विदर्भ न्यूज एक्सप्रेस 

शहर प्रतिनिधी / देसाईगंज : नगर परिषद हद्दीत येणाऱ्या जुनी वडसा येथील प्रथमेश ईश्वर पत्रे वय १५ वर्षे युवकाने ४ मार्च रोजी दुपारी ११.०० वाजताच्या सुमारास घरातीलच बेडरुममधे गळफास घेऊन आत्महत्या केली असल्याची घटना उघडकीस आली आहे. प्रथमेश पत्रे १० व्या वर्गात शिक्षण घेत होता. 

घरी कुणीही नव्हते आई- वडील बाहेर कामासाठी गेले होते व लहान बहीण ८ व्या वर्गात शिक्षण घेत असून ती शाळेतून घरी पोहचल्यानंतर प्रथमेश पत्रे हा घरातीलच बेडरुममधे गळफास लावलेल्या स्थितीत आढळून आल्याने बघ्यांची गर्दी मोठ्या प्रमाणावर झाली.

लगेच गावातील माजी नगरसेवक सचिन खरकाटे यांनी देसाईगंज पोलीस विभागाला सदर घटनेची माहिती दिली घटनेची माहिती मिळताच देसाईगंज पोलीस विभागाचे पोलीस उपनिरीक्षक इनामदार यांनी घटनास्थळ गाठून पंचनामा केला व देसाईगंज ग्रामीण रुग्णालयात सदर युवकाचे शव शवविच्छेदनासाठी पाठविण्यात आले. गळफास घेण्याचे कारण अद्यापही कळलेले नसून पुढील तपास देसाईगंज पोलीस विभाग करीत आहे.





  Print






News - Gadchiroli




Related Photos