इस्रोचा पीएसएलव्ही सी ४३ या रॉकेटच्या साहाय्याने एकाचवेळी ३१ उपग्रहांचं प्रक्षेपण करण्याचा विक्रम


वृत्तसंस्था / श्रीहरीकोटा :  इस्त्रोने पीएसएलव्ही सी ४३ या रॉकेटच्या साहाय्याने एकाचवेळी ३१ उपग्रहांचं प्रक्षेपण करण्याचा विक्रम साधला आहे. आज सकाळी ९ वाजून ५८ मिनिटांनी हे श्रीहरीकोटाच्या सतीश धवन स्पेस सेंटरहून हे प्रक्षेपण यशस्वीपणे करण्यात आले आहे. यातील ३० उपग्रह अमेरिका, ऑस्ट्रेलिया,कॅनेडा, स्पेन,कोलंबिया, फिनलँड ,मलेशिया आणि नेदरलँड्सचे आहेत तर भारताच्या पहिल्या हायपरस्पेक्ट्रल इमेजिंग उपग्रहाचेही यशस्वी प्रक्षेपण करण्यात आले आहे. 
प्रक्षेपणामुळे ११२ मिनिटांच्या प्रक्षेपणात अंतराळात ३१ उपग्रह रवाना झाले आहेत यातील भारताचा उपग्रह सूर्यमालेत ६३० किमीच्या उंचीवर सोडण्यात येईल तर इतर सर्व ५०४ किमी उंचीवर सोडण्यात येतील.   ३० पैकी २३ उपग्रह अमेरिकेचे आहेत.  ३० उपग्रहांचे एकूण वजन २६१किलो आहे तर भारताच्या हायपरस्पेक्ट्रल इमेजिंग उपग्रहाचे वजन ३८० किलो आहे.  भारताचा हायपरस्पेक्ट्रल इमेजिंग उपग्रह शेती , मृदा सर्व्हे, वनस्पतीशास्त्र,पर्यावरण,पाणी , किनारी प्रदेश ई. गोष्टींचा अभ्यास करण्यासाठी वापरला जाणार आहे.  हा उपग्रह २०२३ पर्यंत पृथ्वीचे निरीक्षण करणार आहे.  हे प्रक्षेपण ४ टप्प्यांमध्ये करण्यात आले आहे.  पीएसएलव्हीने केलेले ४५ वे यशस्वी प्रक्षेपण होते.  इस्त्रोने आतापर्यंत ५२ भारतीय तर २३९ परदेशी उपग्रहांचे यशस्वी प्रक्षेपण केले आहे. 

 



  Print






News - World | Posted : 2018-11-29






Related Photos