घरगूती वादातून पतीने केली पत्नीची हत्या


-  जुनापाणी येथील घटना 
विदर्भ न्यूज एक्सप्रेस
जिल्हा प्रतिनिधी / वर्धा :
  कारंजा (घा) तालुक्यातील जुनापाणी येथे आज सकाळी ११ वाजता राहत्या घरी पतीने पत्नीची  हत्या केल्याची घटना समोर आली. 
 आरोपी केशव भस्मे (३४) हा राहत्या घरी शेड करत असताना  मृतक संध्या केशव भस्मे (३०)   हिने  केशव याला मुलीला शाळेत घेऊन जाण्यासाठी आग्रह केला. यावेळी आरोपीने  हातातील कुऱ्हाड पत्नीच्या डोक्यावर मारली.  यात संध्या हिच्या डोक्याला मोठी जखम झाल्याने गंभीर जखमी होऊन खाली पडली.  यात मुलीने आरडाओरडा केला.   आजूबाजूच्या   नागरिकांनी  जखमी अवस्थेत  तिला कारंजा ग्रामीण रुग्णालयात आणले . मात्र वाटेतच तिचा मृत्यू झाला.   मृतक महिलेचे  वडील आठ दिवसापासून येथेच राहत होते. ते  सकाळी शेतात गेले होते.  त्यांना याबाबत  माहिती विचारली असता कोणताही आरोप केला नाही.  कोणतेही कारण नसल्याचे सांगितले . आरोपी केशव भस्मे याने पत्नीच्या डोक्यावर वार करून स्वतःहून ठाण्यात आला त्याला कारंजा ठाण्यात ताब्यात घेण्यात आला.

प्रेत शवविच्छेदन गृहामध्ये स्ट्रेचर ने नातेवाईकांनीच  नेले

ग्रामीण रुग्णालयात आज मृतक महिलेचा मृतदेह शवविच्छेदन करण्यासाठी मरचुरी मध्ये नेण्यासाठी मृतक महिलेच्या वडीलालाच स्ट्रेचर ढकलत न्यावे लागले.  शवविच्छेदन गृहातही वडील व नातेवाईकांनीच उचलून नेले .  ग्रामीण रुग्णालयात  अनेकदा कर्मचारी राहत नसल्याने नातेवाईकासोबत मुजोरी करत असतात, अशी माहिती माहिती प्राप्त झाली आहे. 



  Print






News - Wardha | Posted : 2018-11-29






Related Photos