महत्वाच्या बातम्या

 राष्ट्रीय युवा स्वयंसेवक पदासाठी ९ मार्चपर्यंत अर्ज मागणी


विदर्भ न्यूज एक्सप्रेस 

प्रतिनिधी / नागपूर : युवकांचे नेटवर्क तयार करून, त्यांचे सक्षम नेतृत्व स्वीकारून, सरकारच्या विविध योजनेत सहभागी होण्याची व राष्ट्रनिर्माण कार्यात योगदान देण्याची सुवर्ण संधी, भारत सरकार द्वारा नागपुर जिल्ह्यातील युवकांना उपलब्ध होत आहे. स्वयंसेवक होऊन ऊर्जा व क्षमता यांचा योग्य वापर राष्ट्राच्या विकास कार्यात करण्याचे लक्ष युवकांसमोर ठेवले आहे. साक्षरता, आरोग्य, स्वच्छता, लिंगभेद, सामाजिक समस्याबाबत जागरूकता अभियान राबविणे व समाजाला योग्य दिशा देण्याकरिता तसेच आपतकालीन परिस्थितीत प्रशासनास सहयोग करणे, याकरिता जिल्हातील युवक-युवतीकडून ९ मार्चपर्यंत अर्ज मागविण्यात येत आहे.

शैक्षणिक पात्रता : किमान एस.एस.सी. दहावी उत्तीर्ण (पदवी, पदव्युत्तर व कम्प्युटरचे ज्ञान असल्यास प्राधान्य),वय १८ ते २९ (१ एप्रिल २०२३ रोजी १८ वर्षे पूर्ण व २९ वर्षोपेक्षा कमी असावे) शिक्षण सुरू असलेले युवक-युवती पात्र राहणार नाही. ज्ञान मासिक मानधन ५ हजार रूपये असून ही शासकीय नौकरी नाही. एक किंवा दोन वर्षे कार्य केल्यावर या कार्याच्या आधारे सरकारी नोकरीकरिता कायदेशिर हक्क दाखविता येणार नाही. या पूर्वी ज्या युवक-युवतींनी या योजनेत कार्य केले आहे, ते पुन्हा अर्ज करू शकणार नाही.

अर्ज कसा करावा : विभागाच्या nyks.nic.in वर या योजनेची संपूर्ण माहिती अर्जासोबत उपलब्ध आहे. या संकेतस्थळावर ऑनलाईन अर्ज ९ मार्च २०२३ पर्यंत करू शकता. अधिक माहितीकरीता सकाळी १० ते सांयकाळी ४ पर्यंत कार्यालयीन वेळेत जिल्हा युवा अधिकारी, नेहरू युवा केंद्र, ३४९/२, कस्तुरवा भवन, बजाज नगर नागपूर येथे अथवा मोबाईल क्र.७०१५२२९८२६ वर संपर्क साधावा, असे  जिल्हा युवा अधिकारी, नेहरू युवा केंद्र यांनी कळविले आहे.





  Print






News - Nagpur




Related Photos