शिक्षिकेने केला तिसऱ्या वर्गातील विद्यार्थ्याला मारहाण : लोनवाही येथील घटना
विदर्भ न्यूज एक्सप्रेस
तालुका प्रतिनिधी / सिंदेवाही : जिल्हा परिषद प्राथमिक शाळा लोनवाही येथील शिक्षिका रजनी साळवे या शिक्षिकेने तिसऱ्या वर्गातील एका विद्यार्थ्याला बेदम मारहाण केल्याने त्या शिक्षिकेला शाळेतून हटविण्यासाठी लोनवाही येथील पालकांनी पंचायत समिती गटविकास अधिकारी यांचे दालनात ठीया दिला होता. अखेर गटविकास अधिकारी यांनी सदर शिक्षिकेला बदलून देण्याचे आश्वासन दिले असल्याने पालकांनी माघार घेतले.
जिल्हा परिषद प्राथमिक शाळा लोनवाही ही दोन शिक्षकी शाळा असून एकूण ३९ विद्यार्थी शिक्षण घेत आहेत. ही शाळा पंचायत समिती कार्यालयाच्या शेजारी असूनही मागील अनेक दिवसापासून शिक्षिका रजनी साळवे यांचा विद्यार्थ्यांना त्रास होत असल्याने पालकांनी या बाबत गट विकास अधिकारी यांना सदर शिक्षिकेला हटवण्यासाठी विनंती अर्ज दिला होता. परंतु गट विकास अधिकारी यांनी दुर्लक्ष केले, असल्याने शिक्षिकेने विद्यार्थ्यांना त्रास देणे सुरूच ठेवले.
सदर शिक्षिकेने गुरुवारी एका तिसऱ्या वर्गातील विद्यार्थ्याला बेदम मारहाण केल्याने विद्यार्थ्यांच्या पालकांनी पंचायत समिती सिंदेवाही गट विकास अधिकारी यांचे दालनात ठिया देऊन शिक्षिका रजनी साळवे यांना त्वरित हटविण्याची मागणी केले. गटविकास अधिकारी यांनी सदर शिक्षिकेला बोलावून समज दिले. मात्र पालकांनी शिक्षिकेला हटविण्याची मागणी लावून धरल्याने मंगळवारी त्या शिक्षिकेला हटविण्याचे पालकांनाआश्वासन दिले.
यावेळी सहाय्यक गटविकास अधिकारी प्रणय धोंगडे, कक्ष अधिकारी मेश्राम, नगरसेवक पंकज नन्नेवार, शाळेचे मुख्याध्यापक जीवन डोंगरे, पत्रकार जितेंद्र नागदेवते, इत्यादी उपस्थित होते.
News - Chandrapur