महत्वाच्या बातम्या

आम आदमी पक्षातर्फे अपला हक आंदोलन

विदर्भ न्यूज एक्सप्रेस

प्रतिनिधी / बल्लारपूर : आम आदमी पक्ष तर्फे शहराध्यक्ष रविकुमार पुप्पलवार यांच्या नेतृत्वाखाली शहरातील नगर परिषद चौकात निषेध आंदोलन करण्यात आले.

नगरपरिषदेची इमारत पाडून नवीन इमारत बांधण्याचा निर्णय घेण्यात आला आहे. यासाठी नगरपरिषदेला सुभाषचंद्र बोस प्राथमिक शाळा व गांधी विद्यालयात स्थलांतरित करून तिथे नगर परिषद कार्यालय स्थापित करण्यात आला आहे. त्यामुळे शाळेतील विद्यार्थ्यांचे हाल होत आहेत. नगरपरिषदेच्या शाळांची दयनीय अवस्था झाली आहे. शिक्षकांची कमतरता आहे. शासन शिक्षणाकडे दुर्लक्ष करून शिक्षणाचे बाजारीकरण करत आहे. विद्यार्थ्यांचे भवितव्य अंधारात ढकलून दिले आहे. आठवडी बाजाराची व्यवस्था न करता कार्यालय ईमारत बांधकाम करण्याचे निर्णय म्हणजे जनतेची फसवणूक करण्यासारखे आहे. या निर्णयाच्या विरोधात आम आदमी पार्टी बल्लारपुर च्या वतीने आपला हक्क आंदोलन करण्यात आले.

यावेळी आम आदमी पार्टी बल्लारपुर चे सर्व पदाधिकारी, कार्यकर्ते, जिल्हाध्यक्ष व जिल्हा पदाधिकारी उपस्थित होते.