महत्वाच्या बातम्या

 पवन येलगुंडे ठरला आदर्श विद्यार्थी पुरस्काराचा मानकरी


विदर्भ न्यूज एक्सप्रेस 

प्रतिनिधी / खांबाडा : दरवर्षी दिला जाणाऱ्या आदर्श विद्यार्थी पुरस्काराचा मानकरी वर्ग १० वी चा पवन येलगुंडे विद्यार्थी ठरला. शिवजयंतीच्या पर्वावर त्याला पुरस्कार देण्यात आला. खांबाडा येथील छत्रपती शिवाजी विद्यालय तथा कनिष्ठ महाविद्यालयाच्या वतीने दरवर्षी एक आदर्श विद्यार्थी म्हणुन निवड करण्यात येते. 

विद्यार्थ्यांच्या अंगी असणारे विविध गुण, शालेय नियमित उपस्थिती, वत्कृत्व, नेतृत्व, कर्तृत्व अशा विविध पैलूच्या अभ्यास करून एका समिती द्वारे विद्यालयातून एका विद्यार्थ्यांची निवड करण्यात येते. यावर्षी खांबाडा येथील निवासी वर्ग १० वी चा पवन येलगुंडे या विद्यार्थ्याची आदर्श विद्यार्थी म्हणून निवड करण्यात आली. २१ फेब्रुवारीला शिवजयंती, वर्ग १० विच्या विद्यार्थ्यांना निरोप समारंभ या कार्यक्रमात पवन येलगुंडे ला पुरस्कार देण्यात आला. 

यावेळी व्यासपीठावर प्राचार्य आर.डी. परोधे, प्रमुख मार्गदर्शक म्हणून अविनाश बन, लक्ष्मण भोयर तंटामुक्ती अध्यक्ष, मनोहर खिरटकर पालक प्रतिनिधी, शाळेचे माजी विद्यार्थी उत्तम वाघ, सहायक शिक्षक केद्रिंय शाळा कुचना, डॉ. गौरव अशोक हिवरे, सतिश हुलके, विजय बालपांडे सामाजिक कार्यकर्ता, जेष्ठ शिक्षक धोटे इत्यादी उपस्थित होते. 

कार्यक्रमाचे संचालन नंदकिशोर खिरटकर यांनी तर आभार मनोहर पारोधे सहायक शिक्षक यांनी मानले. कार्यक्रम यशस्वी करण्यासाठी शाळेचे शिपाई दौलत तुराले, वंसत सोनट्टके, नानाजी राजुरकर, बबन लोडे लिपिक यांनी अथक परिश्रम घेतले.





  Print






News - Gadchiroli




Related Photos