महत्वाच्या बातम्या

ग्रामपंचायत ठाणेगाव येथिल उपसरपंच सौ. स्नेहा भांडेकर यांच्यावर अविश्वास ठराव पारित

विदर्भ न्यूज एक्सप्रेस

तालुका प्रतिनिधी / आरमोरी : ग्रामपंचायतचे सरपंच व इतर सदस्यांनी मिळुन उपसरपंचावर १४ फेब्रुवारी २०२३ ला अविश्वास ठराव तहसिलदार यांच्या कार्यालयात ९ सदस्यांपैकी ८ सदस्यांनी दाखल केला होता. तहसिलदार यांनी सभेकरिता २० फेब्रुवारी २०२३ दुपारी २ वाजता आयोजन केले होते. त्यात ग्रामपंचायतचे सर्व सदस्य उपस्थित होते. अविश्वास ठराव बहुमताने पारित झाल्याने २० फेब्रुवारी २०२३ रोजी ठाणेगाव येथील उपसरपंच सौ. स्नेहा भांडेकर यांना पदावरुन पायउतार व्हावे लागले आहे.

पदावरून पायउतार व्हायची अशी होती कारणे

1. इतर सदस्यांना व सरपंचाला विश्वासात न घेता मनमानीपने कारभार करणे.

2. प्रशासकिय कामात ढवळाढवळ करणे.

3. ग्रामसेवक व सरपंच विरुध्द खोट्या तक्रारी देणे.

4. मासिक सभेत विकास कामांना संमती दर्शविने व कामपुर्ण झाल्यावर त्या कामाला विरोध करणे.

5. मासिक सभेत सरपंच व इतर सदस्यांना अश्लिल / अर्वाच्च शब्दात शिविगाळ करणे.

6. झालेल्या विकास कामाबाबत गावातील नागरिकांना खोटी माहिती देवुन भडकाविने.

इत्यादी कारणामुळे ठाणेगाव येथील उपसरपंच सौ. स्नेहा भांडेकर यांच्यावर अविश्वास ठराव पारित करण्यात आला. तहसिलदार यांच्या अध्यक्षतेखाली संपुर्ण प्रक्रिया पार पडली असुन सरपंच व इतर सदस्यांच्या प्रयत्नाला यश मिळाले आहे.