महत्वाच्या बातम्या

कोरची येथे आम आदमी पार्टीची शहर समिती गठित

विदर्भ न्यूज एक्सप्रेस
प्रतिनिधी / कोरची : कोरची येथे २० फेब्रुवारीला आम आदमी पार्टीचे जिल्हा उपाध्यक्ष प्रकाश जीवनी यांच्या मार्गदर्शनाखाली शहर समिती गठीत करण्यात आली. त्यामध्ये शहर अध्यक्ष धम्मदीप राऊत यांची निवड करण्यात आली, महिला शहर अध्यक्ष म्हणून प्रेमिलाताई तांडेकर यांची निवड करण्यात आली. तालुका संघटक मंत्री हिरा उईके आणि शहराची कार्यकारीनी गठीत करण्यात आली. या सभेमध्ये तालुका अध्यक्ष मुकेश नरोटे यांच्या मार्गदर्शनाखाली शहर नियुक्ती आणि संघटन मजबूत कसे करावे तसेच येणाऱ्या ग्रामपंचायत जिल्हा परिषद निवडणूकी संदर्भात चर्चा करण्यात आली.

त्याच प्रमाणे आम आदमी पार्टीचे जिल्हा उपाध्यक्ष प्रकाश जीवनी यांनी पार्टीचे संघटन कसे वाढविता येईल या संदर्भात मार्गदर्शन केले. या सभेमध्ये वडसाचे शहर अध्यक्ष आशिष घुटके, वडसा शहर सचिव तब्रेज खान, वडसा महिला अध्यक्ष शिल्पा बोरकर, कोरची तालुक्याचे सचिव योगराज धमगाये, युवा अध्यक्ष बाबुराव मडावी कोषाध्यक्ष रामलाल बोगा, युवा शहर अध्यक्ष गोविंद तांबेकर, रवी सोनार, गावडे, तांडेकर, अमरसिंग गावडे, युवराज मेश्राम तसेच कोरची तालुक्यातील सर्व कार्यकर्ता या सभेला उपस्थित होते.