महत्वाच्या बातम्या

 पंतप्रधान नरेंद्र मोदींना धन्यवाद देणारे ४ हजार पत्र पाठवणार : आ. डॉ. देवराव होळी


- भारतीय जनता पार्टी चामोर्शी तालुक्याच्या बैठकीमध्ये कार्यकर्त्यांचा निर्धार 

- केंद्र सरकारच्या विविध योजनांचा लाभ घेणारे लाभार्थी पाठविणार मोदींना धन्यवाद देणारे पत्र 

विदर्भ न्यूज एक्सप्रेस 

प्रतिनिधी / गडचिरोली : देशाचे लोकप्रिय पंतप्रधान नरेंद्र मोदी यांच्या नेतृत्वातील केंद्र सरकारने देशातील जनतेला विविध योजनांचा लाभ मिळवून दिला. तो लाभ मिळवून दिल्याबद्दल चामोर्शी तालुक्यातील  लाभार्थ्यांच्या वतीने पंतप्रधान नरेंद्र मोदी यांना धन्यवाद देणारे 4 हजार पत्र तालुक्यातून पाठवणार  असल्याची माहिती आमदार डॉक्टर देवराव होळी यांनी भाजपा तालुका चामोर्शीच्या शक्ती केंद्र प्रमुखांच्या बैठकीच्या प्रसंगी केली.

यावेळी भाजपा तालुका अध्यक्ष दिलीप चलाख महामंत्री विनोद गौरकर साईनाथ बुरांडे यांचे सह तालुक्यातील शक्ती केंद्रप्रमुख प्रामुख्याने उपस्थित होते. 

पंतप्रधान नरेंद्र मोदी यांनी देशातील जनतेला पंतप्रधान आवास योजना, गरीब कल्याण योजना, आयुष्यमान भारत, उज्वला योजना, उजाला योजना, डिजिटल इंडिया, पिक विमा योजना, बेटी बचाव बेटी पढाओ, स्वच्छ भारत, स्किल इंडिया, यासारख्या असंख्य योजनांचा लाभ मिळवून दिला. देशातील प्रत्येक नागरिकाला कोरोना सारख्या घातक बिमारी पासून वाचवणारे लसीकरण मोफत करून दिले. अशा विविध योजनांचा लाभ मिळवून देणाऱ्या पंतप्रधान यांना धन्यवाद देणारे ४ हजार पत्र चामोर्शी तालुक्यातून पाठवण्याचा निर्धार कार्यकर्त्यांनी केला असल्याची माहिती आमदार डॉक्टर देवराव होळी दिली.





  Print






News - Gadchiroli




Related Photos