गडचिरोली जिल्ह्यातील ग्राम विजसेवकांना पुनर्नियुक्ती आदेश मिळणार


- आमदार डॉ.  देवराव  होळी यांच्या प्रयत्नांना यश
विदर्भ न्यूज एक्सप्रेस 
प्रतिनिधी / गडचिरोली : 
 जिल्ह्यातील ग्रामवीज सेवकांना  पुनर्नियुक्ती आदेश  देण्याबाबत राज्याचे ऊर्जा मंत्री   ना.  चंद्रशेखर बावनकुळे यांची गडचिरोली विधानसभा क्षेत्राचे आमदार  डॉ.  देवराव  होळी  यांनी  मुंबई  येथे भेट घेऊन  विनंती  केली व त्याबाबतचे  निवेदनही त्यांना दिले. त्यावर तात्काळ निर्देश देत  गडचिरोली जिल्ह्यातील ग्रामवीज सेवकांना  पुनर्नियुक्ती आदेश देण्याचे निर्देश महाजनकोचे संचालक यांना दिले. त्यामुळे लवकरच या सर्व ग्राम विजसेवकांना पुनर्नियुक्तीचे आदेश प्राप्त होणार आहेत, अशी माहिती आ. डॉ. होळी यांनी दिली आहे. 
  ग्राम विजसेवकांनी गडचिरोली विधानसभा क्षेत्राचे आमदार डॉ.  देवराव  होळी यांची गडचिरोली येथे  भेट घेऊन आपली समस्या सांगितली होती. त्यावरून आज मुंबई येथे आमदार डॉ. होळी यांनी राज्याचे ऊर्जा मंत्री चंद्रशेखर  बावनकुळे यांची भेट घेऊन त्यांनी  जिल्ह्यातील ग्रामविजसेवकांमुळे गावातील अनेक  विजविषयक समस्या  गावपातळीवरच सोडविल्या जात असून विजबिल वसुलीचे प्रमाणही चांगल्या प्रकारे होत असल्याचे मंत्री महोदयांच्या लक्षात आणून दिले. ग्राम वीजसेवकांना पुनर्नियुक्ती आदेश  दिल्यास आपल्या विभागाला त्याचा  मोठा लाभ होईल असे पटवून देत  यांना पुनर्नियुक्ती आदेश देण्यात यावे अशी विनंती आमदार महोदयांनी केली. मंत्रीमहोदयांनी लगेच संबंधित विभागाच्या अधिकाऱ्यांना निर्देश देत या सर्वांचे पुनर्नियुक्ती  आदेश काढण्यात यावे असे आदेश दिले त्यामुळे लवकरच या विभागातील सर्व ग्रामसेवकांना पुनर्नियुक्ती आदेश मिळणार आहे.यावेळी ऊर्जामंत्री चंद्रशेखर   बावनकुळे यांना  निवेदन देतांना आमदार डॉ देवराव होळी व आदिवासी संघटनेचे नेते नंदू नरोटे उपस्थित होते. 



  Print






News - Gadchiroli | Posted : 2018-11-22






Related Photos