महत्वाच्या बातम्या

वाचन चळवळीला सशक्त करणे ही सामुहिक जबाबदारी : देवेंद्र गावंडे

विदर्भ न्यूज एक्सप्रेस

प्रतिनिधी / भंडारा : मराठी भाषिकांमध्ये वाचन चळवळ फारशी रूजलेली नाही. वृतपत्रांनी प्रबोधनाची भुमिका सोडल्याने व वाचन संस्कृती रूजविण्याची जबाबदारी असणाऱ्या घटकांच्या निष्क्रीयतेमुळे वाचन चळवळ फार सुदृढ नाही. या चळवळीला सशक्त करण्याची सामुहिक जबाबदारी ही प्रगल्भ वाचक, शाळा, पालक, समाज या घटकांची असल्याचे परखड मत लोकसत्ताचे निवासी संपादक देवेंद्र गावंडे यांनी जकातदार शाळेत आयोजित ग्रंथोत्सवातील व्याख्यानात मांडले.

ग्रंथोत्सवाच्या दुसऱ्या दिवशी वाचन चळवळीत वृतपत्रांची भुमिका या विषयावर ते बोलत होते. यावेळी व्यासपीठावर प्रसिध्द साहित्यीक डॉ. हरीश्चंद्र बोरकर, जिल्हा माहिती अधिकारी शैलजा वाघ दांदळे उपस्थित होते. मराठी साहित्य वाचकांची संख्या कमी होत असल्याचे दिसुन येत मात्र दर्जेदार व सकस साहित्य निर्मीती होत नसल्याची खंत गावंडे यांनी व्यक्त केले. वृत्तपत्रांनी वाचकाऐवजी ग्राहक तयार केल्याचे परखड मत त्यांनी यावेळी मांडले. चांगले समीक्षण ही वाचायला मिळत नाही कारण वाचनरूची बदलल्याचे दिसून येते. सकस व दर्जेदार वाचकांपर्यत पोहोचंत वत्यावर वाचक पसंतीची मोहोर उमटते. भुरा या कादंबरीच्या आठ महिन्यात सोळा आवृत्ती निघाल्याचे त्यांनी सांगितले. विदयार्थी दशेपासूनच चांगल वाचण्याचा संस्कार रूजवणे आवश्यक असल्याचे त्यांनी सांगितले. तसेच शिक्षक, प्राध्यापकांनी विद्यार्थ्यांना गोडी लावल्याचे प्रयत्न करावे, असे त्यांनी यावेळी सांगितले.

डॉ. हरीश्चंद्र बोरकर यांचा सत्कार

बोलीभाषेचे गाढे अभ्यासक, साहित्यीक डॉ. हरीश्चंद्र बोरकर यांचा अमृत पुरस्कार मिळाल्याबददल त्यांचा हृदय सत्कार संपादक देवेंद्र गावंडे यांच्या हस्ते शाल, श्रीफळ व मानचिन्ह देवून करण्यात आला. लिहीत्या बोटांना व वाचत्या डोळयांना हा सत्कार समर्पित केल्याची भावना बोरकर यांनी व्यक्त केले.