रब्बी हंगाम सन २०२२-२३ या वर्षाची रब्बी पिकाची सुधारित पैसेवारी जाहीर
विदर्भ न्यूज एक्सप्रेस
प्रतिनिधी / गडचिरोली : रब्बी पिकाची सुधारीत पैसेवारी तहसिलदार यांच्याकडून प्राप्त माहितीचे आधारे संकलीत करुन गडचिरोली जिल्ह्याची सन २०२२-२०२३ या वर्षाची रब्बी पिकाची सुधारित पैसेवारी जाहीर करण्यात येत आहे.
गडचिरोली जिल्ह्यात एकूण १ हजार ६८९ गावे असून रब्बी पिकाची गावे १४८ आहेत. त्यापैकी रब्बी गावामध्ये पीके नसलेली गांवे ९४ आहेत. सदर रब्बी पिक असलेल्या गावापैकी ५० पैशाचे आत पैसेवारी असलेले रब्बी गावे ० असून ५० पैशाचे वर पैसेवारी असलेल्या एकूण रब्बी पिक असलेल्या गावांची संख्या ५४ आहेत. अशा प्रकारे एकूण ५४ रब्बी पिक असलेल्या गावाची पैसेवारी जाहीर केलेली आहे. गडचिरोली जिल्ह्याची रब्बी हंगाम २०२२-२०२३ या वर्षाची सुधारीत पैसेवारी ही ०.६४ आहे, असे जिल्हाधिकारी, गडचिरोली यांनी कळविले आहे.
News - Gadchiroli