महत्वाच्या बातम्या

 उन्हाचा चटका वाढणार


विदर्भ न्यूज एक्सप्रेस 
प्रतिनिधी / नागपूर : साधारणपणे राज्यात मार्च महिन्यात उन्हाळ्याला सुरुवात होते. मात्र, यंदा फेब्रुवारीच्या दुसऱ्या आठवड्या पासूनच उन्हाचा चटका जाणवत आहे. राज्यातील कमाल तापमानात वाढ झाली आहे. गेल्या 24 तासात नागपूरचे तापमान 2.9 अंशांनी वाढून 35.8 अंशांवर पोहोचले आहे. दिवसाचे तापमान सरासरीपेक्षा 5 अंशांनी जास्त आहे. सुमारे तीन महिन्यांनंतर पारा 35 अंशावर गेला आहे. हवामान खात्याच्या अंदाजानुसार फेब्रुवारीच्या अखेरीस तापमान आणखी वाढ होणार आहे.

14 फेब्रुवारी नंतर वातावरणात नवा वेस्टर्न डिस्टर्बन्स तयार होईल. यामुळे नागपूरसह विदर्भाच्या तापमानात वाढ होईल. विदर्भात अकोला 37.3 अंशांसह सर्वाधिक उष्ण राहिले. विदर्भातील बहुतांश जिल्ह्यात दिवसाच्या तुलनेत रात्रीचे तापमान एक तृतीयांश पर्यंत खाली येत आहे. फेब्रुवारी महिन्यात नागपुरात सर्वाधिक तापमानाची नोंद 24 फेब्रुवारी 2006 रोजी झाली होती. या दिवशी किमान तापमान 39.2 अंशावर पोहोचले होते. गेल्या दहा वर्षात 22 फेब्रुवारी 2017 रोजी पारा 37.8 अंशांवर पोहोचला होता. या फेब्रुवारीतही पारा तेवढाच वाढण्याची शक्यता हवामान खात्याने वर्तवली आहे.





  Print






News - Nagpur




Related Photos