हेटळकसा जंगल परिसरात पोलिस नक्षल चकमक, दोन नक्षल्यांचा खात्मा


- मृत नक्षल्यांची संख्या वाढण्याची शक्यता, शोधमोहिम सुरू
विदर्भ न्यूज एक्सप्रेस  
प्रतिनिधी / गडचिरोली
: कुरखेडा तालुक्यातील मालेवाडा पोलिस मदत केंद्रांतर्गत येत असलेल्या हेटळकसा जंगल परिसरात आज १९ नोव्हेंबर रोजी पहाटेच्या सुमारास पोलिस - नक्षल चकमक उडाली. या चकमकीनंतर दोन नक्षल्यांचे मृतदेह आढळून आले असून आणखी नक्षली ठार झाले असण्याची शक्यता वर्तविली जात आहे.
गडचिरोली पोलिस दलातील वरीष्ठ अधिकाऱ्यासह सी - ६० पथकाचे जवान नक्षलविरोधी शोधमोहिम राबवित असताना नक्षल्यांसोबत चकमक उडाली. पोलिसांनी नक्षल्यांना जोरदार प्रत्युत्तर दिले. पोलिसांचा वाढता दबाव पाहून नक्षली जंगलात पसार झाले. यानंतर शोधमोहिम राबविली असता दोन नक्षल्यांचे मृतदेह आढळून आले आहेत. घटनास्थळी शोधमोहिम सुरू असून आणखी नक्षली मृत झाले असण्याची शक्यता आहे. मृतक नक्षल्यांची संख्या पाचपर्यंत पोहचण्याची शक्यता आहे. तसेच काही नक्षली यामध्ये जखमी झाल्याचा अंदाज वर्तविला जात आहे. 

 



  Print






News - Gadchiroli | Posted : 2018-11-19






Related Photos