महत्वाच्या बातम्या

 लोकबिरादरी आश्रम शाळेत कर्मयोगी बाबा आमटे यांना वाहिली आदरांजली


विदर्भ न्यूज एक्सप्रेस
प्रतिनिधी / भामरागड : तालुक्यातील लोकबिरादरी आश्रम शाळा, हेमलकसा येथे सुप्रसिद्ध समाजसेवक कर्मयोगी बाबा आमटे यांच्या १५ व्या स्मृतीदिनी त्यांना अभिवादन करून आदरांजली वाहण्यात आली. यावेळी विद्यार्थ्यांची निबंध स्पर्धा, चित्रकला स्पर्धा व घोषवाक्य स्पर्धा घेण्यात आली. ०९ फेब्रुवारी २०२३ ला कर्मयोगी बाबा आमटे यांच्या १५ व्या स्मृती दिनाचे औचित्य साधून एका कार्यक्रमाचे आयोजन करण्यात आले. यावेळी सर्वप्रथम लोकबिरादरी आश्रम शाळेचे मुख्याध्यापक श्रीराम झोडे यांचे हस्ते बाबा आमटे व साधनाताई आमटे यांच्या प्रतिमेला वंदन करून पुष्पहार अर्पण करण्यात आले.

याप्रसंगी शरिफ शेख, विनीत पद्मावार, नागोराव सडमेक, गव्हारे गुरुजी इत्यादी मान्यवर उपस्थित होते. कर्मयोगी बाबा आमटे यांनी कुष्ठरोगी, वंचित,पिडीत, दिव्यांग व समाजातील दुर्बल घटकांसाठी आपले आयुष्य खर्ची घातले अशा आशयाचे मार्गदर्शन मुख्याध्यापक श्रीराम झोडे यांनी केले. इयत्ता ११ वीच्या विद्यार्थिनींनी बाबा आमटे यांच्या जीवनकार्यावर आधारित माडीया भाषेतील गीत सादर केला. कार्यक्रमाचे संचालन प्रा. गिरीष कुलकर्णी यांनी केले. तर उपस्थितांचे आभार तुषार कापगते यांनी मानले.

तद्नंतर विद्यार्थ्यांसाठी बाबा आमटे यांच्या जीवनावर आधारित निबंध स्पर्धा, चित्रकला स्पर्धा व घोषवाक्य स्पर्धा घेण्यात आली. दुपारी २ वाजता मानवतेचे अग्रदूत - बाबा आमटे हा डी.डी. सह्याद्रीवरील कार्यक्रम विद्यार्थ्यांना दाखविण्यात आला. कार्यक्रमाचे यशस्वीतेसाठी सुरेश गुट्टेवार, प्रा. खुशाल पवार, अशोक चापले, विजया पद्मावार, ऋतुजा फडणीस, जमीर शेख, सोनाली राजपूत, भक्ती बानोत, स्नेहल चौधरी, हिना गुट्टेवार इत्यादींनी मोलाचे सहकार्य केले.





  Print






News - Gadchiroli




Related Photos