महत्वाच्या बातम्या

राष्ट्रीय बुद्धिबळपटू भाग्यश्री भांडेकर हिची कुनघाडा रै. येथील जि.प. कन्या शाळेला सदिच्छा भेट

विदर्भ न्यूज एक्सप्रेस

प्रतिनिधी / चामोर्शी : राष्ट्रीय बुद्धिबळ खेळाडू तथा राष्ट्रीय बुद्धिबळ पंच भाग्यश्री सुरेश भांडेकर हिने नुकतेच कुनघाडा रै. येथील जिल्हा परिषद उच्च प्राथमिक कन्या शाळेला सदिच्छा भेट दिली.

ती जि. प. कन्या शाळेची माजी विद्यार्थिनी आहे. भाग्यश्री चेस अकॅडमीची फाउंडर आणि ओनर, एक उत्कृष्ट बुद्धिबळ खेळाडू, बुद्धिबळ प्रशिक्षक, तसेच बुद्धिबळ अर्बिटर असलेली कु. भाग्यश्री सुरेश भांडेकर हिने शाळेतील विद्यार्थिनींना बुद्धिबळ खेळाविषयी आणि स्पर्धा परीक्षेसंबंधी तसेच एका लहानशा गावातून पुढे येऊन एक यशस्वी बुद्धिबळपटू होण्याचा प्रवास थक्क करणारा आहे. बुद्धिबळपटू होण्याचा प्रवास, आलेल्या अडचणी, तसेच इतर विविध क्षेत्रातल्या संधींविषयी विद्यार्थिनींना मार्गदर्शन केले. तिच्या या यशामुळे विद्यार्थिनींमध्येही आत्मविश्वास वाढण्यास मदत झाली. विद्यार्थिनी विविध प्रश्न विचारून आपल्या शंकांचे समाधान करून घेतले.

जि.प. शाळेतर्फे या यशस्वी माझी विद्यार्थिनींचा भेटवस्तू देऊन सत्कार करण्यात आला. आणि भविष्यातील यशासाठी शुभेच्छा देण्यात आल्या. यावेळी मुख्याध्यापक सुकलाल गोटामी, शाळा व्यवस्थापन समितीचे माजी अध्यक्ष मधुकर टिकले, विषय शिक्षक प्रदीप वाळके, निमाई मंडल, रोशन बागळे, गौतम गेडाम, वर्षा गौरकार, प्रीती नवघडे, रेखा हटनागर उपस्थित होते.