महत्वाच्या बातम्या

गोंडवाना विद्यापीठाचे प्राध्यापक पदभरती रद्द करा

- मार्कंडेश्वर बहुउद्देशीय संस्थेचे अध्यक्ष संतोष सुरपाम यांची मागणी

- कुलगुरु डॉ. प्रशांत बोकारे यांच्याकडे निवेदनाद्वारे केली मागणी

विदर्भ न्यूज एक्सप्रेस

प्रतिनिधी / गडचिरोली : गोंडवाना विद्यापीठ गडचिरोली द्वारे प्राध्यापक पदभरतीची जाहीरात ०४ फेब्रुवारी २०२३ रोजी एकुन ३० पदाची जाहीरात प्रसिद्ध करण्यात आली, परंतु त्यात एकही अनुसुचित जनजाती/आदिवासी संवर्गाकरीता राखीव जागा ठेवण्यात आलेले नाही. त्यामुळे ही पदभरती तत्काळ रद्द करावी, अशी मागणी मार्कंडेश्वर बहुउद्देशीय सुशिक्षित बेरोजगार विकास संस्थेचे अध्यक्ष संतोष सुरपाम यांनी केले आहे.

दिलेल्या निवेदनात असे म्हटले आहे कि, गोंडवाना विद्यापीठाने काढलेल्या जाहीराती मध्ये ईग्रजी-१, गणीत-१, रसायनशास्त्र-४, भौतिकशास्त्र-४, कॉम्पुटर सायन्स-४, ऊपयोजीत अर्थशास्त्र-४, मराठी-४, एमबीए-४, जनसंवाद-४ या विषययाकरीत एकुन ३० पदाकरिता प्राध्यापक म्हणून भरती प्रक्रिया राबवायची आहे. परंतु त्यांमध्ये एसी-१, विजे(ए)-१, एनटी(सी)-२, एनटी(डी)-१, एसबीसी-१,ओबीसी-९, ईडब्ल्यूएस-३ व ओपन-९ परंतु यामध्ये अनुसुचित जनजाती/आदिवासी संवर्गाकरीता राखीव जागा न ठेवल्याने ही जाहीरात व प्राध्यापक पदभरती रद्द करावी, त्या सोबतच संवर्गनिहाय पदभरती न करता विषय निहाय आरक्षण देऊन पदभरती करावी, अशा आशयाचे निवेदन गोंडवाना विद्यापीठ गडचिरोलीचे कुलगुरु डॉ. प्रशांत बोकारे यांना निवेदन दिले. व सोबतच कुलगुरु यांच्यातर्फे भारताच्या महामहीम राष्ट्रपती राज्याचे राज्यपाल भगतसिंह कोश्यारी यांनी दिले आहे.

जिलाधिकारी गडचिरोली, राज्याचे ऊच्च तंत्रशिक्षण मंत्री, सचिव ऊच्च तंत्र शिक्षण विभाग मुंबई, मुख्यमंत्री एकनाथ शिन्दे, उपमुख्यमंत्री देवेंद्र फडणवीस यांना ई-मेल व पोस्टाद्वारे निवेदन पाठवण्यात आले आहे, अशी माहीती संतोष सुरपाम यांनी दिले.