डिसेंबरपर्यंत पात्र शिधापत्रिकाधारकांना गहु व तांदूळ मोफत मिळणार

- फेब्रुवारीचे शिधावस्तु वितरण

विदर्भ न्यूज एक्सप्रेस

प्रतिनिधी / नागपूर : राष्ट्रीय अन्नसुरक्षा अधिनियम 2013 अंतर्गत नागपूर शहर पुरवठा विभागाच्या कार्यक्षेत्रातील पात्र सर्व कौटुंबिक शिधापत्रिकाधारकांना 1 जानेवारी ते 31 डिसेंबर 2023 या कालावधीत अनुज्ञेय असलेले अन्नधान्य मोफत वितरीत करण्याचा निर्णय शासनाने घेतला असून माहे फेब्रुवारी 2023 करीता शिधावस्तु वाटप परिमाण या प्रमाणे आहे.

प्राधान्य गट- प्रती व्यक्ती 2 किलो गहु व 3 किलो तांदुळ मोफत वितरित करण्यात येईल.

अंत्योदय गट – प्रती शिधापत्रिका 10 किलो गहू व 25 किलो तांदुळ मोफत दिल्या जाईल. तसेच प्रती शिधापत्रिका 20 रुपये प्रमाणे एक किलो साखर वितरित करण्यात येईल, असे अन्नधान्य वितरण अधिकारी यांनी कळविले आहे.