दहशतवादी संघटनांशी संपर्कात असलेल्या दोघांना नागपुरातून अटक


विदर्भ न्यूज एक्सप्रेस 
प्रतिनिधी / नागपूर :
उपराजधानीत दहशतवादी कारवायांची योजना आखणाऱ्या दोघांना लष्करी गुप्तचर यंत्रणेने (मिलिटरी इंटेलिजन्स) शुक्रवारी रात्री ताब्यात घेतले. आरोपी हे सातत्याने पाकिस्तानातील दहशतवादी संघटनांशी संपर्कात असल्याची माहिती समोर आली आहे.
उपराजधानीतील ब्रम्होस एअरोस्पेस या कंपनीचा वरिष्ठ वैज्ञानिक निशांत अग्रवाल याला ९ ऑक्टोबरला उत्तर प्रदेश एटीएसने अटक केली. त्याने पाकिस्तानी गुप्तचर संस्था आयएसआयला ब्रम्होस या सुपरसोनिक मिसाईलचे कोडिंग पुरवल्याचा आरोप होता. या घटनेनंतर शुक्रवारी पुन्हा एकदा नागपुरातून दोघांना दहशतवादी कारवाया व घातपात घडवून आणण्याची योजना आखण्याच्या प्रयत्नात असताना अटक केली. दोघेही आरोपी गणेशपेठ पोलीस ठाण्याच्या हद्दीत वास्तव्यास होते, अशी माहिती समोर येत आहे.
गेल्या दोन दिवसांपासून मिलिटरी इंटेलिजन्सचे काही अधिकारी व कर्मचारी शहरात दाखल झाले होते. त्यानंतर त्यांनी वरिष्ठ पोलीस अधिकाऱ्यांशी संपर्क साधून गणेशपेठ पोलिसांना सतर्क राहण्याचे आदेश दिले होते. शुक्रवारी रात्री ९.१५ च्या सुमारास लष्कराचे काही अधिकारी गणेशपेठ पोलीस ठाण्यात पोहोचले. त्यांनी संशयित आरोपींना ताब्यात घेतले . 



  Print






News - Nagpur | Posted : 2018-11-10






Related Photos