महत्वाच्या बातम्या

 स्वर्गीय शिक्षण महर्षी राजे विश्वेशवरराव महाराजांनी लावलेल्या रोपट्याचे वटवृक्ष झाले : माजी राज्यमंत्री राजे अम्ब्रीशराव महाराज आत्राम  


- धर्मराव शिक्षक मंडळाचे अध्यक्ष राजे अम्ब्रीशराव महाराज आत्राम यांचे धर्मराव विद्यालय तथा कनिष्ठ महाविद्यालय सिरोंचा येथे स्नेहसंमेलनात उद्घाटन सोहळ्यात प्रतिपादन

विदर्भ न्यूज एक्सप्रेस 

तालुका प्रतिनिधी / सिरोंचा : काल सायंकाळच्या वेळेस सिरोंच्या येथील धर्मराव विघालय तथा कनिष्ठ महाविद्यालयाचे वार्षिक स्नेहसंमेलनाचे उद्घाटन सोहळा माननीय राजे अमरीश राव आत्राम व माननीय अवधेश राव बाबा आत्राम यांच्या प्रमुख उपस्थितीत पार पाडला. 

यावेळी धर्मराव विद्यालयाचे विद्यार्थिनी लेझीम नृत्याने जंगी स्वागत करण्यात आले.  

स्नेहसंमेलनाच्या प्रास्ताविक भाषणात शाळेचे प्राचार्य जी. जे. तगरे यांनी धर्मराव शिक्षण मंडळाची स्थापना पासून आतापर्यंतचे राज कुटुंबातील स्वर्गीय धर्मराव महाराज व स्वर्गीय विशेशवरराव महाराज व स्वर्गीय सत्यवान महाराज यांच्या जीवनशैलीवर एक लक्ष दिला गडचिरोली जिल्ह्यातील कानकोपऱ्यात आदिवासी दुर्गम भागातही धर्मराव शिक्षण संस्थेने शिक्षण पोहोचविला अनेक दुर्गम भागातील विद्यार्थ्यांना शिक्षणाच्या माध्यमाने घडवून आणल्याची संगितले. 

अतिथी म्हणून लाभलेले सेवानिवृत्त प्राचार्य पापय्या नरेडला यांनी स्नेह संमेलन विद्यार्थ्यांच्या सर्वांगीण विकासासाठी आयोजित केला जातो यावर मार्गदर्शन केले.  

कार्यक्रमात ज्येष्ठ पत्रकार मोहम्मद इरफान यांनी आपले मनोगत व्यक्त करताना धर्मराव शिक्षण मंडळाची स्थापना पासून तर सिरोंचा येथील धर्मराव शाळेने अनेक विद्यार्थ्यांना व खेळाडूंना घडविलेले लक्ष केंद्रित करीत सिरोंचा धर्मराव विद्यालयाने जवळपास सिरोंच्या तालुक्यात ४००० विद्यार्थी वेगवेगळ्या उच्च पदावर असल्याचे सांगितले. हे सर्व विद्यार्थी धर्मराव शिक्षण संस्थेचे व राजघराण्याचे नेहमीच ऋणी राहील, अशी प्रतिक्रिया व्यक्त केली.  

अध्यक्ष स्थानावर प्रतिपादन व्यक्त करताना राजे अम्ब्रीशराव महाराज आत्राम यांनी रोपट्याचे वटवृक्ष झाले आणि गडचिरोली जिल्ह्यात जेव्हा शाळा उपलब्ध नव्हती तेव्हा पहिली शाळा १९५८ मध्ये धर्मराव शिक्षण मंडळाने स्वर्गीय आमचे प्रेरणास्थान विशवेशवर राव महाराजांच्या कारकिर्दीत सुरू केली.  अनेक दुर्गम ते दुर्गम भागात व गडचिरोली जिल्ह्यात तसेच चंद्रपूर जिल्ह्यात ही शिक्षण पोहोचविण्याचे काम धर्मराव शिक्षण मंडळाने केले. यावेळी धर्मराव विद्यालय २६ जानेवारीच्या राष्ट्रीय कार्यक्रमात प्रथम क्रमांक पटकवल्याबद्दल शाळेचे शिक्षक, विद्यार्थी व कार्यक्रमाची रूपरेखा आखणारे ज्येष्ठ पत्रकार मोहम्मद इरफान यांच्याही सत्कार केला. तसेच यावेळी सिरोंच्या तालुक्यातील सर्व पत्रकारांना राजे अम्ब्रीशराव महाराज यांच्या हस्ते सत्कार करण्यात आला. 

स्नेहसंमेलनात जवळपास ४० वेगवेगळे नृत्य व डान्स गीत सादर करण्यात आले. या सर्व कार्यक्रमाला राजे अम्ब्रीशराव महाराज यांच्याकडून ५०१ रुपयाचे पारितोषिक देऊन सत्कार करण्यात आला व आलेल्या सर्व अतिथी गणना व विद्यार्थ्यांना राजे अम्ब्रीशराव महाराज यांनी स्व:ता लाडू वाटप केले. 

राजे अम्ब्रीशराव महाराज यांच्या उपस्थितीत स्नेहसंमेलनाची सुरुवात झाली, यांचा आनंद विद्यार्थ्यांच्या चेहऱ्यावर एक वेगळाच दिसत होता. 

सदर कार्यक्रमाकरिता प्रमुख अतिथी म्हणून नगरपंचायत चे उपाध्यक्ष बबलू भाई, पाशा आविसचे नेते बाबर भाई व सेवानिवृत्त प्राचार्य पापया नरेडला, सेवानिवृत्त प्राचार्य मदार, अरडाचे प्रतिष्ठित नागरिक रंगू बापांना, भाजपचे तालुकाध्यक्ष शंकर नरहरी व अहेरी तालुका अध्यक्ष रवी नेलकुंदरी, भाजपचे सह सचिव संदीप भाऊ राचार्ला, माजी नगराध्यक्ष राजू पेदापल्ली, पोलीस निरीक्षक विश्वास जाधव ,पोलीस उपनिरीक्षक कांदे, पोलीस उपनिरीक्षक धविले, धर्मराव विद्यालयाचे प्राचार्य जी.जे तगरे सदर कार्यक्रमास मंचावर उपस्थित होते.  

सदर कार्यक्रम यशस्वी करण्याकरिता शाळेतील प्राचार्य, शिक्षक गण शिक्षकेतर सर्वतोपरी परिश्रम घेतले.





  Print






News - Gadchiroli




Related Photos