महत्वाच्या बातम्या

सार्वजनिक शांतता भंग आणि लोकांना जिवे मारण्याची धमकी देणाऱ्या गुन्हेगारांला हद्दपारची कार्यवाही

विदर्भ न्यूज एक्सप्रेस

प्रतिनिधी / चंद्रपूर : पोलीस स्टेशन गोंडपिपरी हद्दीतील राहणारा खेमदेव उर्फ खेमचंद किसनराव गरपल्लीवार (४९) रा. तुकडोजी नगर गोंडपिपरी हा जमीन खरेदी-विक्री संबंधाने लोकांची फसवणुक करून लोकांना जिवे मारण्याची धमकी देत होता.

माहितीनुसार चंद्रपूर जिल्हयात सण २०२० पासुन गुन्हे करीत असून धक्का-बुक्की करुन अश्लील भाषेत शिवीगाळ करणे, तरुण पिढीला व्यसन लावुन त्यांचे भविष्य खराब करणे या सारखे गुन्हे करण्याची सवय होती. त्यामुळे त्याच्या विरुद्ध पोलीस स्टेशन गोंडपिपरी येथे पावेतो विविध कलमान्वये एकुण ६ गुन्हे दाखल करून सदर गुन्हयात अटक करून प्रतिबंधात्मक कारवाई करण्यात आली आहे.

परंतु सदर गुन्हेगार व झगडा, भांडण शिवीगाळ करणे, जिवे मारणे बाबत धमकाविणे व हिंसेच्या सवयीमुळे साक्षीदार / सामान्य नागरीकांच्या जिवीत व मालमत्तेच्या सुरक्षिततेस धोका निर्माण करीत असल्यामुळे त्यांच्या या प्रवृत्तीमुळे भविष्यात गंभीर स्वरुपाचा गुन्हा घडुन सार्वजनिक शांतता व सुव्यवस्थेचा प्रश्न निर्माण होण्याची दाट शक्यता असल्यामुळे समाजहिताच्या दृष्टीने तसेच सदर गुन्हेगारी प्रवृत्तीत बदल होवुन चांगले वर्तणुकीसाठी तसेच लोकांच्या मनातील भिती दूर होण्याकरीता आणि जिल्हयातील शांतता व सुव्यवस्थ अबाधीत राहावी, याकरीता सदर इसमास चंद्रपूर जिल्हयातून हद्दपार करणे आवश्यक असल्याने त्याबाबतचा योग्य प्रस्ताव तयार करुन सदर प्रकरणाचा नियमित पाठपुरावा करण्यात आल्याने उपविभागीय दंडाधिकारी गोंडपिपरी यांनी महाराष्ट्र पोलीस अधिनियम १९५१ चे कलम ५६ (१) (अ) (ब) अन्वये खेमदेव उर्फ खेमचंद किसनराव गरपल्लीवार यास चंद्रपूर जिल्हयाच्या हद्दीतून हद्दपार/तडीपार करण्यात आल्याचे आदेश निर्गमित केले आहे.

यापुढेही सार्वजनिक शांतता भंग करणारे, हिंसेच्या सवयीच्या गुन्हेगारांविरुध्द सुध्दा अशाच प्रकारची हद्दपारीची कारवाई करण्यात येणार असल्याचे पोलीस अधीक्षक चंद्रपूर यांनी स्पष्ट केले आहे.