सिंधी सेवा संगमच्या उपाध्यक्षपदी जेसा मोटवाणी यांची निवड
विदर्भ न्यूज एक्सप्रेस
शहर प्रतिनिधी / देसाईगंज : नुकतेच दिल्ली विश्व सिंधी सेवा संगमच्या वतीने १३, १४ व १५ जानेवारी २०२३ ला तीन दिवसीय महासिंधी संमेलनाचे आयोजन हॉटेल हयात येथे करण्यात आले होते. या महासिंधी संमेलनात गडचिरोली जिल्ह्यातील देसाईगंज (वडसा) येथील माजी नगराध्यक्ष यांची विश्व सिंधी सेवा संगमच्या उपाध्यक्षपदी निवड करण्यात आली. कार्यक्रमाचे उद्घाटन लोकसभा अध्यक्ष ओम बिरला यांच्या हस्ते करण्यात आले. प्रमुख अतिथी म्हणून इंदौरचे खासदार शंकरलाल लालवानी, जबलपुरचे आमदार अशोक रोहानी, २९ विदेशातील प्रतिनिधी तसेच भारत देशातील समाजातील महिला/पुरूष उपस्थित होते. यावेळी लोकसभा अध्यक्ष ओम बिरला यांनी सिंधी समाजाने कोरोना सारख्या महामारी दरम्यान केलेली चांगली सेवा व मदतीची प्रसंशा करीत सिंधी समाजाकडून असेच कार्य होत राहावे, अशी अपेक्षा व्यक्त केली. दरम्यान विश्व सिंधी सेवा संगमचे संस्थापक गोपालदास सजनानी यांनी संपूर्ण भारतातून सिंधी सेवा संगमच्या उपाध्यक्षपदी जेसा मोटवाणी यांची निवड केली. तर सिंधी सेवा संगमच्या श्रीमती उषा सजनानी यांनी त्याला अनुमोदन दिले. मोटवाणी यांच्या निवडीबद्दल डॉ. विक्की संघवानी नागपुर, सुरेश जग्याशी नागपुर, डेमले रामानी नागपुर, सुरेश संतानी, राहुल संतानी, हरिश मुखी अकोला, नानकराम आहुजा, नानकराम नेभावानी, हरिश अडवाणी अमरावती, देसाईगंज येथील सिंधी. सेवा संगमचे जिल्हा अध्यक्ष मोतीलाल जेठानी, सुरेश ठकरानी, पुरूषोत्तम डेंगानी, हरिश मोटवाणी, गौरव खिलवानी, रितु नागदेव आदींनी त्यांचे अभिनंदन केले आहे.
News - Gadchiroli