महत्वाच्या बातम्या

 मराठी भाषेतूनच संस्कृती व साहित्य जिवंत राहील : प्रमोदकुमार अणेराव


- भाषा पंधरवडानिमित्त आयोजित जे.एम.पटेल महाविद्यालयात व्याख्यान

विदर्भ न्यूज एक्सप्रेस 

प्रतिनिधी / भंडारा : व्यावसायिक मुल्ये नसलेल्या भाषा वेगाने लुप्त होत आहेत. जगातील साधारण चार हजार भाषा मृत पावल्या आहेत. मराठी भाषेच्या संवर्धनासाठी रोजच्या जीवन व्यवहारात जाणिवपूर्वक मराठीचा वापर करावा. भाषेतुनच साहित्य संस्कृतीचा प्रवाह गतिशील राहतो, म्हणून मराठी भाषेचे सौंदर्यासह तिचे जतन करणे ही तरूण पिढीची जबाबदारी असल्याचे मत नामवंत साहित्यीक, कवी प्रमोदकुमार अणेराव यांनी आज व्यक्त केले.

भाषा संचालनालयाच्या वतीने जे. एम. पटेल महाविद्यालयात आज  मराठी भाषा, साहित्य आणि संस्कृती या विषयावर प्रमोदकुमार अणेराव यांचे व्याख्यान आयोजित करण्यात आले होते. यावेळी व्यासपिठावर मराठी भाषा विभागप्रमुख डॉ.उज्वला वंजारी, भाषा संचालनालयाचे अधिक्षक संजय गोरे, विलास ढवळे, जिल्हा माहिती अधिकारी शैलजा वाघ दांदळे, रसायनशास्त्र विभागप्रमुख डॉ. श्याम डफळे उपस्थित होते.

भाषा पंधरवडाअंतर्गत राबविण्यात येणाऱ्या विविध उपक्रमांची माहिती अधिक्षक संजय गोरे यांनी दिली. भाषा संचालनालय करत असलेल्या परिभाषा कोष, शब्दावली, शब्दकोषाचे कार्याची माहिती यावेळी दिली. मराठी सर्वधनासाठी शासकीय चौकटीपलीकडे जावून प्रयत्न करण्याची व समाजाची ती भुमिका असली पाहिजे. पालकांनी पाल्यांना मराठी माध्यमातून शिक्षणासाठी आग्रही असले पाहिजे, असे प्रतिपादन अध्यक्ष डॉ. श्याम डफरे यांनी केले.

झाडीबोली अधिक अर्थवाही आहे. बोलीभाषेचा न्युनंगड नको व अन्य भाषांचा व्देष ही करू नये असे सांगत भाषा, साहित्य संस्कृती यांचा अन्योन्य संबंधावर प्रमोदकुमार अणेराव यांनी यावेळी उदाहरणांसह प्रकाश टाकला. कार्यक्रमाचे संचलन डॉ.उज्वला वंजारी तर आभार प्रा. ममता राऊत यांनी मानले.





  Print






News - Bhandara




Related Photos