महत्वाच्या बातम्या

माजी पालकमंत्री राजे अम्ब्रिशराव आत्राम यांनी केली नागेपल्ली येथील अपघातग्रस्त शुभम निलमवार यांना तात्काळ आर्थिक मदत

विदर्भ न्यूज एक्सप्रेस

प्रतिनिधी / आलापल्ली : नागेपल्ली येथील शुभम निमलवार हा युवक १० जानेवारी २०२३ पोलीस भरतीला गडचिरोली येथे गेला होता. परत आलापल्ली येत असताना मुलचेरा पासून पाच किलोमीटर अंतरावर त्याच्या दुचाकीचा अपघात झाला. सदर अपघातात तो गंभीर जखमी झाला त्याच्या डोक्याला गंभीर दुखापत झाल्याने त्याला त्वरित चंद्रपूर येथील मेहरा हॉस्पिटल मध्ये भरती करण्यात आले. त्यांना रोजच्या उपचाराकरिता १५ हजार ते २० हजार रूपये खर्च असल्याने त्यांच्या घरची आर्थिक परिस्थिती हलाखीची असल्या कारणाने त्याला आर्थिक मदतीची गरज लक्षात घेऊन गावातील सामाजिक कार्यकर्ते, यांनी ही माहिती माजी पालकमंत्री राजे अम्ब्रीशराव आत्राम यांना दिली. माजी पालकमंत्री राजे अम्ब्रीशराव आत्राम यांनी निमलवार कुटूंबाची हालाखीची परिस्थिती पाहून क्षणांचा विलंब न करता शुभम निमलवार यांच्या उपचारार्थ आर्थिक मदत केली व समोर कोणतीही मदत लागत असल्यास निसंकोच आपण मदत करू असे गडचिरोली जिल्ह्याचे माजी पालकमंत्री राजे अम्ब्रीशराव आत्राम यांनी कुटुंबीयांना सांगितले.