आरमोरीतून मृत बिबट्याचे कातडे विक्री करणारी टोळी जेरबंद


-  ५ आरोपींना अटक

विदर्भ न्यूज एक्सप्रेस
तालुका प्रतिनिधी / आरमोरी  :
  शहरातून वन्यप्राणी बिबटयाचे कातडे विक्री करणाऱ्या टोळीला अटक करण्यात आली  आहे. यशवंत सोनबाजी निखारे, सुभाष पंढरी धकाते, विश्राम शंकर रामटेके, सुदाम पांडुरंग कांबळे, ईश्वर विस्तारी सोरते सर्व रा. आरमोरी असे अटकेतील आरोपींची नावे आहे. 
प्राप्त माहितीनुसार, आरमोरी परिक्षेत्रातील आरमोरी शहरात मृत बिबट वन्यप्राण्याची कातडी विक्री करण्याच्या उद्देशाने साठवून ठेवले असल्याची गुप्त माहीती १५ एप्रिल २०२१ रोजी मिळाली असता सदर माहितीच्या अधारे वनविभागाव्दारे तोतया ग्राहक तयार करून विक्रीत सहभागी असलेल्या यशवंत सोनबाजी निखारे, सुभाष पंढरी धकाते, विश्राम शंकर रामटेके, सुदाम पांडुरंग कांबळे, ईश्वर विस्तारी सोरते यांना अटक करून मृत बिबटयाचे चामडे व नखे हस्तगत करून ताब्यात घेण्यात आले आहे. सदर आरोपींना आरमोरी प्रथम श्रेणी न्यायालयाचे न्यायदंडाधिकारी यांनी १९ एप्रिल २०२१ पर्यंत वन कोठडी सुनावली आहे. यामध्ये इतर आरोपी असल्याची शक्यता असल्याच्या दृष्टीने अधिक तपास सुरू आहे. 
सदर कारवाई वडसा वनविभागाचे उपवनसंरक्षक निरंजन विवरेकर तसेच वडसाचे सहाय्यक वनसंरक्षक मनोज चव्हाण यांच्या मार्गदर्शनाखाली आरमोरी वनपरिक्षेत्र अधिकारी एस.एम. डोंगरवार, वडसाचे वनपरिक्षेत्र अधिकारी आ.बी.इनवते, आरमोरीचे क्षेत्र सहाय्यक आ.पी.कुंभारे, वनरक्षक एस.पी.तिजारे, वनरक्षक बी.एन.शेंडे, वनरक्षक एन.एम.तुमपल्लीवार, वनरक्षक के.एस.गिन्नलवार, वनरक्षक कु.आर.बी.सहारे, वनरक्षक कु.पी.एच.करकाडे, वनरक्षक श्रीकांत सेलोटे, वनरक्षक कानकाटे तसेच आरमोरी परिक्षेत्रातील कर्मचारी यांनी केली. पुढील तपास आरमोरीचे वनपरिक्षेत्र अधिकारी एस.एम.डोंगरवार हे करित आहे.




  Print






News - Gadchiroli | Posted : 2021-04-17






Related Photos