साखरी येथे बिबट/मांजऱ्या वाघाचा धुमाकूळ : वनविभागाने लावले कॅमेरे


विदर्भ न्यूज एक्सप्रेस
तालुका प्रतिनिधी / सावली :
तालुक्यातील साखरी गावामध्ये मागील दोन दिवसांपासून बिबट/मांजऱ्या वाघाने धुमाकूळ घातला आहे.
शनिवारी रात्री चापले व बावणे यांच्या घरून कोंबळ्या नेल्या. सदर माहिती वनपरिक्षेत्र अधिकारी कामडी यांना कळविण्यात आली. त्यांनतर वनरक्षक चौधरी यांनी पाहणी करून त्याच्या येण्याच्या मार्गाला कॅमेरा बसविण्यात आले होते.
काल रविवारी रमेश झाडे यांच्या दोन शेळ्या बिबट/मांजऱ्या वाघाणे ठार केले आणि सायंकाळी चारच्या सुमारास अनिल वैरागडे यांच्या घरी कुत्र्याचा पाठलाग करीत आले. तर काल रात्री कान्हूजी भोयर यांच्या घरी येऊन दोन कोंबळ्या व सुनील कागदेलवार यांच्या घरून कबुतर व कोंबळ्या नेल्या.
बिबट्या/मांजऱ्या वाघाची शिकारीची जागा दररोज बदलत असल्याने तो कॅमेरामध्ये येत नाही आहे.
काल रात्री वनरक्षक चौधरी यांनी कॅमेरा लावून जागली केली असता बिबट्या/मांजऱ्या वाघाने आपला मोर्चा दुसरीकडे वळविल्याने तो बिबट आहे का मांजऱ्या वाघ हे अजुन स्पष्ट झाले नाही. त्यामुळे परत काही कॅमेरे बोलवून आज लावण्यात येईल असे वनरक्षक चौधरी यांनी म्हटले आहे.



  Print






News - Chandrapur | Posted : 2021-12-06




Related Photos