वैधता प्रमाणपत्राच्या मागणीसाठी गडचिरोली जिल्ह्यातील आदिवासी माना समाजबांधवांचे इंदिरा गांधी चौकात 'चक्काजाम आंदोलन'


 - जात प्रमाणपत्र पडताळणी समितीच्या कार्यालयावर हजारो समाजबांधवांच्या  'अंमलबजावणी  मोर्चा' 
विदर्भ न्यूज एक्सप्रेस 
प्रतिनिधी / गडचिरोली :
न्यायालयाने दिलेल्या आदेशाचे पालन व्हावे आणि त्या आदेशाची अंमलबजावणी होऊन माना जमातीला वैधता प्रमाणपत्र मिळावे आदी प्रमुख मागण्यांसाठी हजारोंच्या संख्येने माना समाजबांधवांनी आज २४ ऑक्टोबर रोजी स्थानिक इंदिरा गांधी चौकात एकत्र येऊन चक्काजाम आंदोलन केला . त्यांनतर  विदर्भ आदिवासी माना समाज कृती समितीच्या वतीने जात प्रमाणपत्र पडताळणी समितीच्या कार्यालयावर 'अंमलबजावणी  मोर्चा' काढण्यात आला . 
अवैध केलेल्या जात प्रमाणपत्राचे आदेश मागे घेऊन जात वैधता प्रमाणपत्र निर्गमित करण्यात यावे, प्रस्ताव खारीज करून परत केलेले आदेश, पुनर्सचयित करण्यात यावे व प्रकरण निकाली काढून, जात वैधता प्रमाणपत्र निर्गमित करण्यात यावे.  प्रलंबित असलेले प्रस्ताव निकाली काढून, त्वरित जात वैधता प्रमाणपत्र निर्गमित करण्यात यावे, माना जमातीचे प्रलंबित प्रस्ताव निकाली काढण्यासाठी विशेष मोहीम राबविण्यात यावी. आदी प्रमुख मागण्या घेऊन हा अंलबजावणी मोर्चा जात प्रमाणपत्र पडताळणी समितीच्या काढण्यात आला . या मोर्चात गडचिरोली जिल्ह्यातील बाराही तालुक्यातील माना समाजबांधवांनी हजारोच्या संख्येत सहभाग दर्शविला .     
या मोर्चाचे नेतृत्व संयोजक नारायणराव जांभुळे, बळीराम गडमडे, पुंडलिक चौधरी, तुकाराम नन्नावरे, रामराव नन्नावरे आदींनी केले . 

 



  Print






News - Gadchiroli | Posted : 2018-10-24






Related Photos