उद्या चांदोना येथे छत्रपती शिवाजी महाराज यांच्या अश्वरूढ पुतळ्याचे अनावरण
विदर्भ न्यूज एक्सप्रेस
प्रतिनिधी / कुरखेडा : चांदोना येथील छत्रपती शिवाजी महाराज युवा मंडळाच्या वतीने उद्या 12 जानेवारी रोजी सकाळी 11 वाजता छत्रपती शिवाजी महाराज यांचया अश्वरूढ पुतळ्याचे अनावरण तसेच समाज प्रबोधन कार्यक्रमाचे आयोजन करण्यात आले आहे.
कार्यक्रमाचे उद्घाटन आमदार कृष्णा गजबे यांच्याहस्ते होणार आहे. सहउद्घाटक म्हणून भाजपा युवा मोर्चाचे जिल्हाध्यक्ष चांगदेव फाये, कुरखेडा न. पं. च्या उपाध्यक्षा जयश्री रासेकर राहतील. अध्यक्षस्थानी शिवणी ग्रा.पं. च्या सरपंचा मंजुळाबाई मारगाये तर उपाध्यक्ष म्हणून ग्रामसेवक कावळे, कृषी सहाय्यक सहारे, इंजिनिअर माधव गावळ आदी मान्यवर उपस्थित राहणार आहेत. याप्रसंगी साबुसेठ जमिनदार, पुतळ्यासाठी जमिन दानकर्ते जनाबाई अशोक राऊत व मुर्तीकार ऋषी कोसरे, विजय भागडकर मुंबई यांचा सत्कार करण्यात येणार आहे.
कार्यक्रमाला प्रमुख मार्गदर्शक म्हणून प्रा. डॉ. नरेंद्र आरेकर, प्रा. कुडगिरवार, मुख्याध्यापक नवघडे मार्गदर्शन करणार आहेत. यानंतर रात्री 10 वाजता डॉन्स व सांस्कृतिक कार्यक्रमाचे आयोजन करण्यात आले आहे. कार्यक्रमाला जास्तीत जास्त संख्येने उपस्थित राहण्याचे आवाहन आयोजकांनी केले आहे.
News - Gadchiroli