अमृतसर येथे आंदोलन कर्त्यांकडून पोलिसांवर दगडफेक


विदर्भ न्यूज एक्सप्रेस 
वृत्तसंस्था / अमृतसर :
अमृतसरच्या जोडा फाटकजवळ झालेल्या भीषण अपघातात ६१ जणांच्या मृत्यूनंतर नागरिकांनी रेल्वे रुळावर आंदोलन सुरु केले  रविवारी पंजाब पोलिसांचं पथक रेल्वे रुळांवर आंदोलन करणाऱ्यांना हटवण्यासाठी गेलं असता त्यांच्यावर दगडफेक करण्यात आली. या दगडफेकीत पंजाब पोलिसांचा एक जवान आणि एक पत्रकार जखमी झाला आहे. संपूर्ण परिसरात तणावपूर्ण वातावरण पसरले आहे .  
प्राप्त माहितीनुसार, रविवार सकाळपासून जोडा फाटकजवळ मृतांचे नातेवाईक आणि अन्य नागरिक आंदोलन करत होते. त्यावेळी स्थानिक अधिकारी आणि पोलिस कर्मचाऱ्यांनी घटनास्थळी जाऊन आंदोलकांना हटवण्याचा प्रयत्न केला. त्यावेळी आंदोलनकर्त्यांनी पोलिसांवर दगडफेक केली. त्यानंतर पोलिसांनी बळाचा वापर करत आंदोलनकर्त्यांना तेथून हटवलं आणि पोलिसांची अतिरिक्त कुमक तेथे मागवण्यात आली आहे. दगडफेकीत पंजाब पोलीस दलातील हेड कॉन्स्टेबल अमृतपाल सिंह गंभीर जखमी झाले असून त्यांना रुग्णालयात दाखल करण्यात आलं आहे.
अमृतसरमध्ये रावण दहन सुरु असताना जमलेले अनेक लोक रेल्वे रुळांवरही उभे होते. या सगळ्यांना चिरडून एक ट्रेन अत्यंत वेगात गेली. या दुर्घटनेत आत्तापर्यंत ६१ जणांचा मृत्यू झाला. तर ५१ लोक जखमी झाले. या घटनेने अवघा देश सुन्न झाला.  



  Print






News - World | Posted : 2018-10-21






Related Photos