अल्पवयीन मुलीवर अत्याचार करणाऱ्या आरोपीस १० वर्ष कारावास व ५ हजार रूपये दंडाची शिक्षा


- चंद्रपूर अतिरिक्त सह न्यायाधिश अनुराग दिक्षित यांचा न्यायनिर्वाळा

विदर्भ न्यूज एक्सप्रेस 
प्रतिनिधी / गडचिरोली :
अल्पवयीन मुलीवर अत्याचार करणाऱ्या अरोपीस १० वर्ष कारावास व ५ हजार रूपये दंडाची  शिक्षा काल २५ फेब्रुवारी २०२१ रोजी चंद्रूपर अतिरिक्त सह न्यायाधिश अनुराग दिक्षीत यांनी ठोठावली आहे. प्रफुल मारोती बगडे (२५) रा. कळमगाव असे आरोपीचे नाव आहे.
पोलिस स्टेशन सिंदेवाही अंतर्गत येत असलेल्या कळमगाव येथे ७ ऑक्टोबर २०१८ रोजी आरोपी हा अल्पवयीन मुलगी घरी एकटी असतांना तिच्या एकटेपणाचा फायदा घेवून अत्याचार केला. याबाबत पोलिस स्टेशन सिंदेवाही पोलिस स्टेशनमध्ये तक्रार दाखल करून आरोपीविरूध्द पोस्को अन्वये गुन्हा नोंद करण्यात आला.
गुन्हा तपासात घेतल्यानंतर सिंदेवाही पोलिस स्टेशनचे तत्कालीन सहायक पोलिस निरीक्षक सी.एस.मेश्राम यांनी आरोपीस निष्पन्न करून आरोपीविरूध्द सबळ पुराव्यानिशी न्यायालयात दोषारोपपत्र सादर केले. न्यायालयाच्या सुनावणीदरम्यान सदर प्रकरणात न्यायालयाने साक्षीदार व योग्य पुराव्याच्या आधारे २५ फेब्रुवारी २०२१ रोजी आरोपी प्रफुल मारोती बगडे (२५)यास कलम ३७६(२) (आय) (१) भादंवि अन्वये १० वर्ष कारावास व ५ हजार रूपयें दंड, दंड न भरल्यास ६  महिन्याची शिक्षा चंद्रपूर अतिरिक्त सह न्यायाधिश अनुराग दिक्षित यांनी ठोठावली आहे. सदर प्रकरणामध्ये सरकार तर्फे सरकारी अभियोक्त म्हणून ॲड. देवेंद्र महाजन  व कोर्ट पैरवी म्हणून सिंदेवाही पोलिस स्टेशनचे सफौ. रमेश मुक्कावार यांनी काम पाहिले.

 

 

 




  Print






News - Chandrapur | Posted : 2021-02-26






Related Photos