महत्वाच्या बातम्या

कोरोनाचे नवीन रूप १२० पट धोकादायक

विदर्भ न्यूज एक्सप्रेस
वृत्तसंस्था / मुंबई : कोरोनाच्या ओमिक्रॉन सब व्हेरिएंटने सध्या चीनमध्ये कहर केला आहे. तर अमेरिकेत त्याच्या एक्सबीबी १.५ व्हेरिएंटने तणावात टाकले आहे. पण आता भारतातही ओमिक्रॉनच्या सब-व्हेरियंट XXB.१.५ ने सर्वांची चिंता वाढवली आहे. तीन दिवसांपूर्वी गुजरात मधील एका व्यक्तीला या प्रकाराची लागण झाली होती. मात्र, चीन मधील परिस्थिती पाहता भारताने या विषाणूशी लढण्यासाठी आता पासूनच तयारी सुरू केली आहे. तज्ञांनी सांगितले की ओमिक्रॉनच्या XBB.१.५ प्रकाराने भारतासह अनेक देशांमध्ये चिंता वाढवली आहे. या प्रकारात आधीच लसीचा डोस मिळालेल्या लोकांना संक्रमित करण्याची क्षमता आहे. नॅशनल IMA कोविड टास्क फोर्सचे सह-अध्यक्ष डॉ. राजीव जयदेवन यांच्या मते, XBB.१.५ ही XBB ची सुधारित आवृत्ती आहे, जी ओमिक्रॉनची पुनर्संयोजित उप-वंश आहे. भारतात आढळणारा ओमिक्रोनचे XBB.१.५ व्हेरियंट अतिशय धोकादायक मानले जाते. हा प्रकार चिंतेचा विषय आहे, कारण तो BQ१ व्हेरियंट पेक्षा १२० पट वेगाने पसरतो. अमेरिकेतही कोरोनाच्या वाढत्या प्रकरणांमागे हा प्रकार आहे. या प्रकाराचा परिणाम पाहता, याचा त्रास झालेल्या रुग्णांना तातडीने रुग्णालयात दाखल करण्याचा सल्ला दिला जात आहे. या प्रकारात संसर्ग होण्याची क्षमता आहे किंवा ज्यांना यापूर्वी लसीकरण करण्यात आले होते.