पाटबंधारे विभागाकडून मावेजा मिळत नसल्याने संतापलेल्या शेतकऱ्यांने शासकीय कार्यालयातच स्वत: ला घेतले पेटवून


विदर्भ न्यूज एक्सप्रेस 
वृत्तसंस्था / बीड :
येथील  पाटबंधारे विभागाकडून मावेजा मिळत नसल्याने  एका निराश झालेल्या शेतकर्‍याने शासकीय कार्यालयामध्ये अंगावर पेट्रोल टाकून जाळून घेतल्याची खळबळजनक घटना आज मंगळवारला दुपारी 1 वाजताच्या सुमारास घडली. जखमी अवस्थेत शेतकर्‍याला तात्काळ जिल्हा रूग्णालयात दाखल करण्यात आले आहे. शेतकऱ्यांवर उपचार सुरु असून तो 50 टक्के भाजल्याचे माहिती मिळाली आहे.
शेतकर्‍याने  यापूर्वी आत्मदहन करण्याचा इशारा दिला होता. याची दखल घेतली नसल्याने शेतकर्‍याने अखेर टोकाचे पाऊल उचलले. बीड तालुक्यातील पाली येथील अर्जून कुंडलिकराव साळुंके या शेतकर्‍याची जमीन पाटबंधारा विभागाने संपादीत केलेली आहे. या जमिनीच्या एकत्रीकरणाबाबतचा वाद आहे. गेल्या अनेक वर्षापासून शेतकरी पाटबंधारे विभाग कार्यालयाचे उंबरे झिजवत आहे. संपादित केलेल्या जामिनिचा मावेजा मिळत नसल्याने सदरील शेतकर्‍याने गेल्या काही महिन्यापूर्वी आत्मदहन करण्याचा इशारा दिला होता. मात्र याची दखल संबंधीत विभागाने घेतली नाही. आज मंगळवारी दुपारी शेतकर्‍याने  कार्यालयात पेट्रोल ओतून घेत स्वत: ला जाळून घेतले. यात शेतकरी 50 टक्के जला आहे. या घटनेने जिल्ह्यात एकच खळबळ उडाली.
गेल्या अनेक वर्षापासून शासकीय कार्यालय जमिनीचा मावेजासाठी कामात आहे. मात्र, शासनाच्या लाल फितीच्या कारभारामुळे वैतागलेल्या अर्जुन साळुंखे या शेतकऱ्याने स्वत: वर पेट्रोल ओतून पेटवून घेतले . राज्य सरकारने  आता तरी आमच्या कुटुंबाचा विचार करावा, अशी मागणी पीडित कुटुंबाच्या नातेवाईकांनी केली आहे. 




  Print






News - Rajy | Posted : 2020-11-24






Related Photos