महत्वाच्या बातम्या

बल्लारशाह रेल्वे स्थानकावर बांबू उत्पादनांना स्थान देण्याची पालकमंत्र्यांची रेल्वेकडे मागणी

विदर्भ न्यूज एक्सप्रेस

प्रतिनिधी / चंद्रपूर : बल्लारशाह रेल्वे स्थानकावर एक स्थानक एक उत्पादन योजनेअंतर्गत बांबू उत्पादनांना स्थान मिळावे, अशी मागणी चंद्रपूरचे पालकमंत्री सुधीर मुनगंटीवार यांनी रेल्वे विभागाला पत्र लिहून केली आहे.

चंद्रपूर जिल्ह्यात बांबूचे मोठे उत्पादन होते. बांबूपासून विविध उत्पादनेही बनविली जातात. तसेच वन अकादमी, बांबू संशोधन केंद्र या माध्यमातूनही बांबूपासून विविध नवीन उत्पादनेही संशोधित विकसित केली जातात. या उत्पादनांना बाजारपेठ मिळण्यासाठी एक स्थानक एक उत्पादन योजनेचा उपयोग होईल, असे मत पालकमंत्री तथा वनमंत्री मुनगंटीवार यांनी व्यक्त केले आहे. त्या अनुषंगाने मुनगंटीवार यांनी रेल्वेच्या विभागीय व्यवस्थापकांना पत्र लिहून बल्लारशाह रेल्वे स्थानकावर बांबू उत्पादनांना स्थान देण्याची मागणी केली आहे.