मराठा आरक्षणाच्या बाबतीत सरकार कुठेही कमी पडलेले नाही : मुख्यमंत्री उद्धव ठाकरे


- आंदोलन न करण्याचे केले आवाहन 

विदर्भ न्यूज एक्सप्रेस 
वृत्तसंस्था / मुंबई :
मराठा समाजाच्या आरक्षणाच्या बाबतीत सरकार कुठेही कमी पडलेले  नाही. असे  आज मुख्यमंत्री उद्धव ठाकरे यांनी म्हटले आहे. आज मुख्यमंत्री उद्धव ठाकरे यांनी  विविध मुद्द्यांवर जनतेशी संवाद साधला.
'मराठा आरक्षणावर सर्व पक्षाने एकमताने मराठा समाजाच्या न्याय हक्कासाठी पाठिंबा दिला. उच्च न्यायालयात याला आव्हान दिले  ते आपण जिंकलो. सर्वोच्च न्यायालयात आता लढत आहोत. पहिल्या सरकारने जे वकील दिलेत ते बदलले नाहीत. वकील कमी न करता आणखी वकील वाढवत आहोत. सर्वोच्च न्यायालयात कुठेही कमी पडलेलो नाही. असे  मुख्यमंत्री उद्धव ठाकरे यांनी म्हटले आहे.
'आपण दिलेले आरक्षणाला स्थगिती देण्याचा अनपेक्षित निर्णय़ दिला गेला. यावर सविस्तर चर्चा करत आहे. ज्या संस्था पोटतिडकीने मागणी मांडत आहेत. त्यांच्यासोबत चर्चा सुरु आहे. काय बोलले पाहिजे, कसे  बोलले  पाहिजे हे ठरवून बाजू मांडली. तरी हा निर्णय आला.'
विरोधीपक्ष नेत्यांनी देखील कोणतंही राजकारण न करता आम्ही मराठा आरक्षणाच्या बाबतीत सरकारसोबत असल्याचे  म्हटले आहे. मराठा समाजाला मला एक विनंती करायची आहे. अन्याया विरोधात लढा. पण सरकार साथ देत नसेल तेव्हा. पण सरकारने तुम्हाला साथ दिली आहे. तुमच्या मागण्यांना न्याय दिलेला आहे. पण आव्हान दिल्यानंतर सरकार तुमच्यासाठी न्यायलयात बाजू मांडत आहे. तुमच्यासाठी भांडत आहोत. सर्वांच्या सूचना घेतल्या आहेत. पुन्हा कोर्टात जाणार आहोत. निकाल आपल्या बाजूने लागण्यासाठी सरकार कमी पडणार नाही. सरकार मराठा समाजासोबत आहे. कोरोना संकटामुळे आंदोलन, मोर्चे काढू नका. न्याय हक्क मिळवून देण्यासाठी सरकार वचनबद्ध आहे. एकजुटीला तडा जाईल असं करु नका. आपण एकत्र आहोत. असे देखील मुख्यमंत्री उद्धव ठाकरे यांनी  म्हटले आहे.




  Print






News - Rajy | Posted : 2020-09-13






Related Photos